ଅସଦ ଏନକାଉଣ୍ଟରକୁ ନେଇ ଉଠିଲା ପ୍ରଶ୍ନ, ମିଳୁନି ବାଇକ ଚାବି, ବାଇକରେ ଲାଗିନି କିଛି ବି ଦାଗ

ଲକ୍ଷ୍ନୌ: ଗ୍ୟାଙ୍ଗଷ୍ଟରରୁ ରାଜନେତା ହୋଇଥିବା ସାଂସଦ ଅତିକ ଅହମଦଙ୍କ ପୁଅ ଅସଦ ଅହମଦକୁ ଏସଟିଏଫ ଏନକାଉଣ୍ଟର କରିଛି । ଅସଦର ସହଯୋଗୀ ମହମ୍ମଦ ଗୁଲାମ ମଧ୍ୟ ଏହି ଏକାଉଣ୍ଟରରେ ନିହତ ହୋଇଛି । ବହୁ ଚର୍ଚ୍ଚିତ ଉମେସ ପାଲ ହତ୍ୟା ମାମଲାରେ ପୋଲିସ ତାଙ୍କୁ ଖୋଜୁଥିଲା । ଉଭୟଙ୍କ ମୁଣ୍ଡରେ ୫ ଲକ୍ଷ ଟଙ୍କା ଲେଖାଏ ପୁରସ୍କାର ବି ଥିଲା । ଏବେ ଦୁହିଁଙ୍କ ଏକାଉଣ୍ଟରକୁ ନେଇ ବିଭିନ୍ନ ପ୍ରକାର ଚର୍ଚ୍ଚା ହେଉଛି ।

ଝାନସୀର ପରିଛା ଡ୍ୟାମ ଅଞ୍ଚଳରେ ଉଭୟଙ୍କୁ ଏନକାଉଣ୍ଟର କରାଯାଇଥିଲା । ଯେଉଁ ଯାଗାରେ କି ଆଗକୁ ରାସ୍ତା ବନ୍ଦ ଥିଲା । ଯେତେବେଳେ ସେମାନେ ଯାଉଥିଲେ ପଛପଟୁ ଗୁଳି ଚଳାଯାଇଥିଲା । ବାଇକଟି ରାସ୍ତା କଡରେ ଯାଇ ପଡ଼ିଥିଲା । କିନ୍ତୁ ବାଇକରେ କୌଣସି ଦାଗ ଥିବା ଦେଖାଯାଇ ନଥିଲା । ଯେତେବେଳେ ମିଡିଆ ସେହି ସ୍ଥାନରେ ପହଞ୍ଚିଥିଲା ସେତେବେଳେ ବାଇକର ଚାବି ନଥିଲା । ଏହାକୁ ନେଇ ଏବେ ବିଭିନ୍ନ ପ୍ରକାର ପ୍ରଶ୍ନ ଉଠୁଛି ।

ୟୁପି ଏସଟିଏଫର କହିବା ଅନୁସାରେ, ଅସଦ ଏବଂ ଗୁଲାମ ପାଖରେ ବାଇକ ଥିଲା । ଯାହା ସେହି ସ୍ଥାନରେ ପଡ଼ିଥିଲା । ସେଠାରେ ୧୦ରୁ ୨୧ ପୋଲିସକର୍ମୀ ବି ଥିଲେ । ବାଇକରୁ ପ୍ରାୟ ୫୦ ମିଟର ଦୂରରେ ପୋଲିସ ଗାଡ଼ି ଥିଲା । ଗାଡ଼ିର କୌଣସି ପାର୍ଟ ଭାଙ୍ଗି ନଥିଲା କି କୌରଣି ଦାଗ ଲାଗିଥିଲା । ଏହାକୁ ନେଇ ବି ଏବେ ପ୍ରଶ୍ନ ଉଠୁଛି ଯେ, ବାଇକ ଯଦି ତଳେ ପଡ଼ିଲା ତାହାଲେ କିପରି କିଛି ଦାଗ ହେଲାନି ।

ଏନକାଣ୍ଟର ପରେ ଲୋକାଲ ପୋଲିସ ଆସିବା ପୂର୍ବରୁ ମିଡିଆ ସେଠାରେ ପହଞ୍ଚିଥିଲା । ହେଲେ ମିଡିଆ ଆସିବା ପୂର୍ବରୁ ବାଇକର ଚାବି ବି ନ ଥିଲା । ବାଇକ ପୁରୁଣା ଥିବାକୁ ଢିଲା ହୋଇ ଚାବି କେଉଁଠି ଗଳି ପଡ଼ିଥିବା ମଧ୍ୟ କୁହାଗଲା, କିନ୍ତୁ ଖୋଜାଖୋଜି କଲା ପରେ ଚାବି ମିଳି ନଥିଲା ।

ବାଇକରେ ନମ୍ବର ପ୍ଲେଟ ଏବଂ ଚେସିସି ନମ୍ବର ବି ନଥିଲା । ଏହାକୁ ନେଇ ଅନୁମାନ କରାଯାଉଛି ଯେ, ବାଇକ ଚୋରିର ହେଇଥାଇପାରେ । ବାଇକ ବିଷୟରେ ଅଧିକ ଜାଣିବାକୁ ପୋଲିସ ବାଇକକୁ ଜବତ କରିଛି ।

ଅସଦ ଏବଂ ଗୁଲାମ ପାଖରେ କୌଣସି ହେଲମେଟ ନଥିଲା । ୟୁପି ପୋଲିସର କହିବା ଅନୁସାରେ ଅସଦ ଏବଂ ଗୁଲାମ ୪୫ ଦିନରୁ ଗାଏବ ଥିଲେ । ଯଦି ସେମାନେ ଅଲଗା ଅଲଗା ବୁଲୁଥିଲେ ତାହାଲେ ବିନା ହେଲମେଟରେ କିପରି ବୁଲୁଥିଲେ । ସେ ନିଜ ଚେହେରା ଦେଖାଉ ନଥିଲେ କାରଣ ତାଙ୍କ ଉପରେ ୫ ଲକ୍ଷର ପୁରସ୍କାର ଥିଲା । ତେଣୁ ତାଙ୍କୁ ବିନା ହେଲମେଟରେ କେମିତି କେହି ଦେଖି ପାରିଲେ ନାହିଁ ।

ତାଙ୍କୁ ଯେଉଁ ରାସ୍ତାରେ ପିଛା କରାଯାଉଥିଲା ସେହି ରାସ୍ତା କଚା ରାସ୍ତା ଥିଲା । ପଥର ଗୋଡି ଥିବା ରାସ୍ତାରେ ୧୦ରୁ ୨୦ କିମି ପ୍ରତି ଘଣ୍ଟାରୁ କେହି ଅଧିକା ଚଳାଇ ପାରିବେନି । ତେଣୁ ସେମାନେ ଏତେ ଦୂର କିପରି ଗଲେ ତାକୁ ନେଇ ବି ପ୍ରଶ୍ନ ଉଠୁଛି ।