ତିନି ଦିନ ଧରି ଚାଲିବ ରାହୁଲ-ଆଥିଆଙ୍କ ବାହାଘର

ମୁମ୍ବାଇ : ବଲିଉଡ ସହ କ୍ରିକେଟ ଜଗତର ସଂପର୍କ ଆହୁରି ମଜବୁତ ହେଲା। ପୁଣି ଜଣେ କ୍ରିକେଟରଙ୍କ ସହ ସାତ ଫେରା ନେବାକୁ ଯାଉଛନ୍ତି ବଲିଉଡର ନାୟିକା। ଏମିତି କିଛି ଖବର ଏବେ ବି-ଟାଉନର ସବୁଠାରୁ ହଟ୍ ଟପିକ ପାଲଟିଛି। ଷ୍ଟାର କ୍ରିକେଟର କେ.ଏଲ ରାହୁଲ ଏବଂ ବଲିଉଡର ଚୁଲବୁଲି ନାୟିକା ଆଥିଆ ସେଟ୍ଟୀଙ୍କ ବିବାହ ଏବେ ଫାଇନାଲ ହୋଇଛି। ଏହି ଦୁଇ ଲଭ ବାର୍ଡସ ଏବେ ବିବାହ ବନ୍ଧନରେ ବାନ୍ଧି ହେବେ। ବଲିଉଡରେ ପୁଣି ଆରମ୍ଭ ହେବାକୁ ଯାଉଛି ବିବାହ ଋତୁ । ଜାତୀୟ ଗଣମାଧ୍ୟମର ସୂଚନା ଅନୁଯାୟୀ କ୍ରିକେଟର କେ.ଏଲ୍ ରାହୁଲ ଏବଂ ଆଥିଆ ଶେଟ୍ଟୀଙ୍କ ବିବାହ ଖବର ଉପରେ ମୋହର ଲାଗିଥିବା ଜଣାପଡିଛି। ଜାନୁୟାରୀ ୨୩ରେ ସେମାନଙ୍କର ବିବାହ ହେବାକୁ ଥିବାବେଳେ ବିବାହର ସମସ୍ତ ରିତିନୀତି ତିନି ଦିନ ଧରି ଚାଲିବ ବୋଲି ଶୁଣିବାକୁ ମିଳିଛି। ଅନ୍ୟପଟେ ଏବେ ପର୍ଯ୍ୟନ୍ତ ଦୁଇ ଷ୍ଟାରଙ୍କ ପରିବାର ତରଫରୁ ଏସଂପର୍କରେ କୌଣସି ସୂଚନା ମିଳିନାହିଁ। କୁହାଯାଉଛି ଏହି ଲଭ ବାର୍ଡସଙ୍କ ବିବାହ ସୁନୀଲ ସେଟ୍ଟୀଙ୍କ ଖଣ୍ଡାଲା ବଙ୍ଗଳାଠାରେ ବିବାହର ସମସ୍ତ ରୀତିନୀତି କରାଯିବ । କୁହାଯାଉଛି,ଏହି ବିବାହର ରୀତିନିତି ୩ ଦିନ ପର୍ଯ୍ୟନ୍ତ ଚାଲିବ ।

ଅନେକ ଦିନରୁ ଏହି ଦୁଇ ଷ୍ଟାରଙ୍କର ପ୍ରେମ ସମ୍ପର୍କ ସବୁବେଳେ  ଚର୍ଚ୍ଚାରେ  ରହିଆସିଥିଲା। ଆଉ ବର୍ତ୍ତମାନ ସବୁ ପ୍ରତୀକ୍ଷାର ଅନ୍ତ ଘଟିବାକୁ ଯାଉଛି। କେ.ଏଲ ରାହୁଲ-ଆଥିଆଙ୍କ ବିବାହକୁ ନେଇ ତାଙ୍କ ଫ୍ୟାନ୍ସ ମଧ୍ୟ ଅନେକ ଦିନରୁ ଅପେକ୍ଷା କରି ରହିଥିଲେ। ବିରାଟ ,ଅନୁଷ୍କାଙ୍କ ପରେ ପୁଣି ଥରେ ଫ୍ୟାନ୍ସ ଆଉ ଏକ ନୂଆ ଯୋଡିଙ୍କୁ ଦେଖିବା ପାଇଁ ଚାହିଁ ବସିଛନ୍ତି। ନୂଆବର୍ଷରେ ଗଢି ଉଠିବ ଏହି ନୂଆ ସମ୍ପର୍କ। ବିବାହର ସମସ୍ତ ରୀତିନୀତି ଜାନୁୟାରୀ ୨୧ରୁ ଆରମ୍ଭ ହେବାକୁ ଯାଉଛି।  ଏହି ତିନି ଦିନିଆ କାର୍ଯ୍ୟକ୍ରମରେ ସେମାନଙ୍କ ହଲଦୀ ମେହେନ୍ଦୀ ଏବଂ ସଂଗୀତ କରାଯିବ ଏବଂ ୨୩ ରେ ଦୁହେଁ ସାତଫେରା ନେବେ। ଏଥିପାଇଁ ସମସ୍ତ ପ୍ରସ୍ତୁତି ମଧ୍ୟ ଆରମ୍ଭ ହୋଇସାରିଲାଣି। ବର୍ଷର ସବୁଠାରୁ ପ୍ରତିକ୍ଷିତ ବିବାହ ଜଲଦୀ ହେବାକୁ ଯାଉଛି। କେ.ଏଲ୍ ରାହୁଲ-ଆଥିଆଙ୍କ ବିବାହରେ ଅନେକ ନାମୀ ଦାମୀ ତାରକା ସାମିଲ ହେବାର ସମ୍ଭାବନା ରହିଛି।