ଚମକିବ ଅଠରନଳା, ସରକାରଙ୍କ ପକ୍ଷରୁ ଉଦ୍ୟମ ଆରମ୍ଭ

ପୁରୀ: ଶ୍ରୀକ୍ଷେତ୍ରର ପ୍ରବେଶ ପଥରେ ଥିବା ପୁରୀର ଅନ୍ୟତମ ଐତିହ୍ୟ କୀର୍ତ୍ତିରାଜି ଅଠର ନଳାର ସୌନ୍ଦର୍ଯ୍ୟକରଣ ଓ ଏହାର ବିକାଶ ପାଇଁ ସରକାରଙ୍କ ପକ୍ଷରୁ ଉଦ୍ୟମ ଆରମ୍ଭ କରାଯାଇଛି । ଏନେଇ ASI ଠାରୁ ଅନୁମତି ପତ୍ର ଏକ ପ୍ରକାର ମିଳିଥିବା ଜଣାପଡିଛି । ଅଠର ନଳାରୁ କଲିକତି ଦଳ ସଫା କରିବା ସହିତ ଅଧିକ ସରସ ସୁନ୍ଦର କରି ଲାଇଟିଂ ବ୍ୟବସ୍ଥା ଓ ଆବଶ୍ୟକୀୟ ମରାମତି କରିବା ନେଇ ଯୋଜନା କରାଯାଇଛି ।

ଏନେଇ ସ୍ୱତନ୍ତ୍ର ପ୍ଲାନ OBCC ପକ୍ଷରୁ କରାଯିବାକୁ ଲକ୍ଷ୍ୟ ରଖାଯାଇଥିବା ବେଳେ ଖୁବଶୀଘ୍ର ଏହାର କାର୍ଯ୍ୟ ଆରମ୍ଭ କରାଯିବ । ଏବଂ ନୂତନ ବର୍ଷ ପୂର୍ବରୁ ଏ ସମସ୍ତ କାର୍ଯ୍ୟ କରାଯିବାକୁ ଲକ୍ଷ୍ୟ ରଖାଯାଇଥିବା ଜିଲ୍ଲାପାଳ ସୂଚନା ଦେଇଛନ୍ତି । ଶ୍ରୀକ୍ଷେତ୍ରର ସୌନ୍ଦର୍ଯ୍ୟ ବୃଦ୍ଧି ଦିଗରେ ସରକାର ନେଇଛନ୍ତି ପଦକ୍ଷେପ  । ଅଠରନଳାରୁ ଦଳ ସଫା କରିବା ସହ ଲାଇଚିଂ ବ୍ୟବସ୍ଥା କରାଯାଉଛି  ।