ଆଠଗଡ଼ରେ ଅବକାରୀ କର୍ମଚାରୀଙ୍କୁ ଆକ୍ରମଣ ମାମଲା, ମୁଖ୍ୟ ଅଭିଯୁକ୍ତ ଗିରଫ

କଟକ: ଆଠଗଡ଼ ଡାଳୁଆ ଗାଁରେ ଦେଶୀ ମଦ ଭାଟି ଉପରେ ଚଢାଉ ବେଳେ ଅବକାରୀ ବିଭାଗକୁ ଆକ୍ରମଣ ଘଟଣାରେ ଜଣେ ଗିରଫ ।  ମଦ ବ୍ୟବସାୟୀ ରବିନ୍ଦ୍ର ସ୍ଵାଇଁକୁ ଗିରଫ କରିଛି ପୋଲିସ । ଶନିବାର ଦେଶୀ ମଦ ଭାଟି ଉପରେ ଚଢାଉ କରିବା ପାଇ ପହଞ୍ଚିଥିଲା  ଅବକାରୀ ବିଭାଗ। ଏହି ସମୟରେ ଗାଁର କିଛି ଲୋକ ଏହାକୁ ବିରୋଧ କରି ଅବକାରୀ ବିଭାଗକୁ ଆକ୍ରମଣ କରିଥିଲେ ।  ପୂର୍ବରୁ ମଧ୍ୟ ଅବକାରୀ ବିଭାଗ କର୍ମଚାରୀଙ୍କ ଉପରେ ଆକ୍ରମଣ ହୋଇଥିଲା। ଦଶରୁ ଅଧିକ ଚୋରା ଦେଶୀ ମଦ ମାଫିଆ ଠେଲାପେଲା ସହିତ ଗାଳି ଗୁଲଜ ଓ ଗାଡ଼ି ଭଙ୍ଗାରୁଜା କରିଥିଲେ । ଆଠଗଡ଼ ଅବକାରୀ ବିଭାଗ  ପକ୍ଷରୁ ଖୁଣ୍ଟୁଣୀ ଥାନାରେ ଏତଲା ଦିଆଯାଇଥିଲା । ସେପଟେ ଗିରଫ ପ୍ରତିବାଦରେ ଡାଳୁଆ ଗ୍ରାମର ମହିଳା ମାନଙ୍କ ପକ୍ଷରୁ ଆଠଗଡ଼ ଅବକାରୀ କାର୍ଯ୍ୟାଳୟ ଘେରାଉ କରାଯାଇଛି । ୫୦ରୁ ଅଧିକ ମହିଳା କାର୍ଯ୍ୟାଳୟ ଆଗରେ ବିକ୍ଷୋଭ ପ୍ରଦଶନ କରିଛନ୍ତି ।  ଘଟଣା ସ୍ଥଳରେ ଉତ୍ତେଜନା ପ୍ରକାଶ ପାଇଛି । ଘଟଣା ସ୍ଥଳରେ ଆଠଗଡ଼ ପୋଲିସ ପହଞ୍ଚି ମହିଳାମାନଙ୍କ ସହ ଆଲୋଚନା ଜାରି ରଖିଛି ।