ଇସ୍ରାଏଲ ଓ ହମାସ ମଧ୍ୟରେ ରକେଟ୍ ମାଡ଼ ଜାରି, ଗାଜାରେ ୬୫ ମୃତ

ତେଲ ଅଭିଭି: ଇସ୍ରାଏଲ ଓ ପାଲେଷ୍ଟାଇନ୍ ମଧ୍ୟରେ ବିବାଦ ବଢିବାରେ ଲାଗିଛି। ହମାସ ପକ୍ଷରୁ ଜାରି ଆକ୍ରମଣର ପ୍ରତି ଜବାବ ଦେବାକୁ ପଛାଉନି ଇସ୍ରାଏଲ । ଫଳରେ ଗାଜାରେ ୬୫ ଲୋକଙ୍କର ମୃତ୍ୟୁ ଘଟିଛି।

ମୃତକଙ୍କ ମଧ୍ୟରେ ହମାସର କମାଣ୍ଡର ଓ ତା’ର ଅନେକ ସାଥୀ ସାମିଲ ରହିଛନ୍ତି । ଏଥିସହିତ ୫ ମହିଳା ଓ ୧୬ ଛୋଟ ପିଲା ଥିବା ସୂଚନା ମିଳିଛି ।

At least 65 killed in Gaza, 7 in Israel as clashes intensify

Read @ANI Story | https://t.co/7e57G44hR2 pic.twitter.com/cD2bQYXAvj

— ANI Digital (@ani_digital) May 12, 2021

ଅଲଜଜିରା ରିପୋର୍ଟ ଅନୁଯାୟୀ, ଗାଜା ଷ୍ଟ୍ରିପ ଉପରେ ଇସ୍ରାଏଲ ପକ୍ଷରୁ ବୋମାମାଡ଼ କରାଯାଉଛି । ଏହି ଆକ୍ରମଣରେ ୩୬୫ରୁ ଉର୍ଦ୍ଧ୍ୱ ବ୍ୟକ୍ତି ଆହତ ହୋଇଥିଲା ବେଳେ ତନ୍ମଧ୍ୟରେ ୮୬ ଜଣ ଶିଶୁ ଏବଂ ୩୯ ଜଣ ମହିଳା ରହିଛନ୍ତି।  ସେହିପରି ବୋମାମାଡ଼ରେ ହମାସର ଗାଜା ସିଟି କମାଣ୍ଡର ବସିମ ଇସ୍ସା ମଧ୍ୟ ମୃତ୍ୟୁ ବରଣ କରିଛି । ଇସ୍ସା ସହ ହମାସର କିଛି ଅନ୍ୟ କମାଣ୍ଡରଙ୍କର ମଧ୍ୟ ଜୀବନ ଯାଇଛି ।

ଅଧିକ ପଢନ୍ତୁ- ଇସ୍ରାଏଲ ଓ ପାଲେଷ୍ଟାଇନ୍ ବିବାଦ: ରକେଟ୍ ମାଡରେ ଭାରତୀୟ ମହିଳାଙ୍କ ସମେତ ୩୨ ମୃତ