ନଦୀରେ ଡଙ୍ଗା ବୁଡି ୨୫ ମୃତ, ୧୨ ଯାତ୍ରୀ  ନିଖୋଜ

ନନ୍ଦିଘୋଷ ବ୍ୟୁରୋ: ନଦୀରେ ଡଙ୍ଗା ବୁଡି ୨୫ ମୃତ, ୧୨ ଯାତ୍ରୀ  ନିଖୋଜ । ଏଭଲି ଦୁଃଖଦ ଘଟଣା ଘଟିଛି ଆଫ୍ରିକାର କଙ୍ଗୋରେ । ଡଙ୍ଗାଟି ଅଧିକ ଯାତ୍ରୀ ନେଇ ଯାଉଥିବା ବେଳେ ଡଙ୍ଗାଟି ମଝି ନଦୀରେ ଓଲଟି ପଡିଥିବା ସୂଚନା ମିଳିଛି । ଖବର ଅନୁଯାୟୀ, ମୃତ୍ୟୁ ସଂଖ୍ୟା ଆହୁରି ବଢିପାରେ ବୋଲି  ଆଶଙ୍କା କରାଯାଉଛି

ସୂଚନା ମୁତାବକ, ମଧ୍ୟ କଙ୍ଗୋର ଫିମି ନଦୀ କୂଳରେ ୧୦୦ରୁ ଅଧିକ ଯାତ୍ରୀଙ୍କୁ ନେଇ ଯାଉଥିବା ଏକ ଡଙ୍ଗା ବୁଡ଼ି ଯାଇଛି। ଏଥିରେ ୨୫ ଜଣଙ୍କ ମୃତ୍ୟୁ ହୋଇଛି। ମୃତକଙ୍କ ମଧ୍ୟରେ ଅଧିକାଂଶ ଛୋଟ ପିଲା ଓ ମହିଳା ଅଛନ୍ତି। ଖବର ପାଇ ଘଟଣାସ୍ଥଳରେ ପୋଲିସ ଏବଂ ଉଦ୍ଧାରକାରୀ ଟିମ୍ ପହଞ୍ଚି ମୃତଦେହ ଉଦ୍ଧାର କରିଛନ୍ତି । ବର୍ତ୍ତମାନ ୧୨ ଜଣ ଏବେବି ନିଖୋଜ ଅଛନ୍ତି। ଘଟଣାସ୍ଥଳରେ ସର୍ଚ୍ଚ ଅପରେସନ୍ ଜାରି ରହିଛି । ଅଧିକାରୀ ଏବଂ ସ୍ଥାନୀୟ ବାସିନ୍ଦା ଏହି ସୂଚନା ଦେଇଛନ୍ତି।