୭୧ ବର୍ଷୀୟ ପ୍ରେମିକାକୁ ବିବାହ ପ୍ରସ୍ତାବ ଦେଲେ ୭୬ ବର୍ଷୀୟ ପ୍ରେମିକ
ୟୁଏସ: କୁହାଯାଏ ପ୍ରେମ ପାଇଁ କୌଣସି ବୟସ ସୀମା ନାହିଁ । ନା ଏହା କେବେ ଶେଷ ହୁଏ ନା ପୁରୁଣା । କୌଣସି ବୟସରେ ମଧ୍ୟ ପ୍ରେମ ହୋଇପାରେ । ଭଗବାନଙ୍କ ସୃଷ୍ଟିର ଏହା ହେଉଛି ଏକ ପବିତ୍ର ଅନୁଭବ । ଏବେ ଏହାକୁ ନେଇ ନିକଟରେ ୟୁଏସର ଏକ ଘଟଣା ସାମ୍ନାକୁ ଆସିଛି । ୟୁଏସର ଜଣେ ୭୬ ବର୍ଷୀୟ ବ୍ୟକ୍ତି ତାଙ୍କ ଗର୍ଲଫ୍ରେଣ୍ଡକୁ ପ୍ରପୋଜ କରିବା ପରେ ଏହି ଘଟଣା ଭାଇରାଲ ହେଉଛି ।
ପ୍ରପୋଜ କରିଥିବା ବ୍ୟକ୍ତିଙ୍କ ନାମ ହେଉଛି ଜେଫ୍ରୀ । ସେ ଆଜି ପର୍ଯ୍ୟନ୍ତ ଅବିବାହିତ ଅଛନ୍ତି । କିନ୍ତୁ ଜେଫ୍ରୀଙ୍କ ଗର୍ଲଫ୍ରେଣ୍ଡ ଗ୍ଲାରିୟା ଜଣେ ବିଧବା । ଦୁଇଜଣଙ୍କ ସାକ୍ଷାତ ଏକ କେୟାର ସେଣ୍ଟରରେ ହୋଇଥିଲା । ଯେଉଁଠାରେ ଉଭୟ ପରସ୍ପରର ପ୍ରେମରେ ପଡ଼ିଥିଲେ। କେବଳ ସେତିକି ନୁହେଁ ତିନି ବର୍ଷ ପର୍ଯ୍ୟନ୍ତ ଦୁଇଜଣ ପରସ୍ପରକୁ ଡେଟ୍ ମଧ୍ୟ କଲେ । ୩ ବର୍ଷ ପରେ ପ୍ରପୋଜ କରିବାରୁ ନିଜକୁ ଅଟକାଇ ପାରିଲେନି ଜେଫ୍ରୀ । ଶେଷରେ ଗ୍ଲୋରିୟାଙ୍କୁ ପ୍ରେମ ନିବେଦନ କରି କହିଲେ, କ’ଣ ତୁମେ ମୋତ ବିବାହ କରିବ? ତା ପରେ ଦୁଇଜଣଙ୍କ ବିବାହ ହୋଇଗଲା ।
ଖବର ଅନୁସାରେ କରୋନା ମହାମାରୀ ପରିସ୍ଥିତିରେ ଗ୍ଲୋରିୟାଙ୍କ ଶରୀର ଅସୁସ୍ଥ ହୋଇ ପଡ଼ିଥିଲା । ଯାହା ଫଳରେ ତାଙ୍କୁ ହସ୍ପିଟାଲରେ ଭର୍ତ୍ତି କରାଯାଇଥିଲା । ସେହି ସମୟରେ ଗ୍ଲୋରିୟାଙ୍କୁ ବିବାହ କରିବା ପାଇଁ ପ୍ରପୋଜ କରିବାକୁ ଠାଣି ନେଲେ ଜେଫ୍ରୀ । ଗ୍ଲୋରିୟାଙ୍କୁ ଖୁବ ମନେ ପକାଉଥିଲେ ଜେଫ୍ରୀ । ଗ୍ଲୋରିୟା ହସ୍ପିଟାଲରେ ଥିବା ସମୟରେ ତାଙ୍କୁ ପ୍ରପୋଜ କରିବା ପାଇଁ ଚିନ୍ତା କରୁଥିଲେ ଏହି ୭୬ ବର୍ଷୀୟ ପ୍ରେମିକ । କେୟର ସେଣ୍ଟରର ସହାୟତାରେ ଖୁବ ସାଜସଜ୍ଜା ସହିତ ସେ ଗ୍ଲୋରିୟାଙ୍କୁ ମୁଦି ପିନ୍ଧାଇ ବିବାହ କରିବା ପାଇଁ ପ୍ରସ୍ତାବ ଦେଲେ । ଶେଷରେ ଜେଫ୍ରୀ ଏବଂ ଗ୍ଲୋରିୟା ପରସ୍ପରକୁ ପାଇ ପାରିଲେ ।
