କ୍ୟାଟ୍ରିନା-ଭିକିଙ୍କ ବିବାହକୁ ନେଇ କ’ଣ କହିଲେ ଐଶର୍ଯ୍ୟାଙ୍କ ବାହାଘର କରାଇଥିବା ପଣ୍ଡିତ ?

ବଲିଉଡ୍ ଅଭିନେତ୍ରୀ କଟ୍ରିନା କେଫ୍ ଏବଂ ଅଭିନେତା ଭିକି କୈାଶଲ ଉଭୟ ଆସନ୍ତା ଡିସେମ୍ବର ୯ ତାରିଖରେ ବିବାହ ବନ୍ଧନରେ ବାନ୍ଧିହେବାକୁ ଯାଉଛନ୍ତି । ଉଭୟଙ୍କ ବିବାହକୁ ନେଇ ପ୍ରଶଂସକ ବେଶ୍ ଉତ୍ସାହିତ ଥିବାବେଳେ ଐଶର୍ଯ୍ୟାଙ୍କ ବିବାହ କରାଇଥିବା ବନାରସର ଜଣେ ପଣ୍ଡିତ କ୍ୟାଟ୍ରିନା-ଭିକିଙ୍କ ବୈବାହିକ ଜୀବନକୁ ନେଇ କିଛି ଏମିତି ଭବିଷ୍ୟବାଣୀ କରିଛନ୍ତି ।

ବନାରସର ଜ୍ୟୋତିର୍ବିତ୍ ଏବଂ କାଶୀ ହିନ୍ଦୁ ବିଶ୍ୱବିଦ୍ୟାଳୟର ପ୍ରଫେସର ଚନ୍ଦ୍ରମୈାଲୀ ଉପାଧ୍ୟାୟଙ୍କ ଅନୁସାରେ ଭିକିଙ୍କର ବୃଷ ରାଶି ଏବଂ କ୍ୟାଟ୍ରିନାଙ୍କର ମିଥୁନ ରାଶି ହେବା ଯୋଗୁଁ ଉଭୟ ସ୍ୱାମୀ-ସ୍ତ୍ରୀଙ୍କ ମଧ୍ୟରେ ଭଲପାଇବା ରହିବା ସହ ସମ୍ପର୍କ ଦୃଢ଼ ରହିବ । ଉଭୟ ପରସ୍ପରର ଭଲ ବନ୍ଧୁ ହୋଇପାରିବେ ବୋଲି ଏମାନଙ୍କ ରାଶିରୁ ଅନୁମାନ କରାଯାଉଛି । ବୃଷବ ରାଶିର ବର ମିଥୁନ ରାଶିର କନ୍ୟା ସହ ଭଲ ଯତିପାତ ପଡ଼ିଥାଏ । ଉଭୟ ରାଶି ସ୍ୱାମୀ-ସ୍ତ୍ରୀ ସମ୍ପର୍କ ପାଇଁ ଉତ୍ତମ ଅଟନ୍ତି । ଏଣୁ ଭିକି ଏବଂ କ୍ୟାଟ୍ରିନା ଉଭୟଙ୍କ ମଧ୍ୟରେ ବୁଝାମଣା ଭଲ ରହିବା ସହିତ ଦାମ୍ପତ୍ୟ ଜୀବନ ସୁଖଦ ହେବ ବୋଲି ସେ କହିଛନ୍ତି । ଜ୍ୟୋତିର୍ବିତ ଚନ୍ଦ୍ରମୈାଲୀ ଏହା ମଧ୍ୟ କହିଛନ୍ତି ଯେ ବିବାହର ବର୍ଷେ କିମ୍ବା ଦେଢ଼ ବର୍ଷ ଯାଏ ପରସ୍ପର ମଧ୍ୟରେ ଛୋଟମୋଟ ବିବାଦ ଦେଖାଦେଇପାରେ । ମାତ୍ର ଏହା ପରେ ଉଭୟଙ୍କ ମଧ୍ୟରେ ସମ୍ପର୍କ ବହୁତ ଭଲ ରହିବ ।