ଆର୍ଥିକ କ୍ଷତି ହେବା ସହ ନିଚ୍ଚଲୋକ ଠାରୁ ଅପମାନିତ ହୋଇପାରନ୍ତି ଏହି ରାଶିର ବ୍ୟକ୍ତି

ଆଜିର ପଞ୍ଚାଙ୍ଗ:

୯ ଡିସେମ୍ବର,୨୦୨୦ ବୁଧବାର, ବିଛା ୨୪ଦିନ , ୧୪୨୮ସାଲ,୧୯୪୨ ଶକାବ୍ଦ,୨୦୭୭ ସମ୍ବତ୍, ମାର୍ଗଶିର କୃଷ୍ଣ ୯ମୀ ଦିବା ୦୩:୧୮ ଗତେ ୧୦ମୀ ।

– କନ୍ୟା ରାଶିରେ ରହିବେ ଚନ୍ଦ୍ର ଅହୋରାତ୍ର

– ଉତ୍ତରାଫାଲଗୁନି ଦିବା ୧୨:୩୨ ପର୍ଯ୍ୟନ୍ତ

ଏହା ପରେ ହସ୍ତା ନକ୍ଷତ୍ର

– ଘାତ ଚନ୍ଦ୍ର – ବୃଷ ରାଶିର

– ଘାତ ବାର – କର୍କଟ ରାଶିର

– ଯୋଗିନୀ ରହିବେ ପୂର୍ବେ ଦିବା ୦୩:୧୭ ପର୍ଯ୍ୟନ୍ତ

ଏହା ପରେ ଯୋଗିନୀ ରହିବେ  ଉତ୍ତରେ

– ପୁଷ୍କର ଦୋଷ – ଦିବା ୧୨:୩୨ ପର୍ଯ୍ୟନ୍ତ ୧ପାଦ

– ନିଷିଦ୍ଧ ଖାଦ୍ୟ – ଲାଉ

-ଶୁଭ ସମୟ –

ପ୍ରାତଃ ୦୬:୧୫ ରୁ ୦୮:୨୩

ଦିବା ୧୦:୩୪ ରୁ ୧୧:୩୯

ଦିବା ୦୧:୨୭ ରୁ ୦୩:୩୭

ସଂଧ୍ୟା ୦୫:୫୬ ରୁ ୦୬:୪୯

ରାତ୍ର ୦୮:୩୪ ରୁ ୦୨:୫୬

– ଅଶୁଭ ସମୟ –

ଦିବା ୦୮:୫୬ ରୁ ୧୦:୧୭

ଦିବା ୧୧:୩୯ ରୁ ୦୧:୦୦

୦୯.୧୨.୨୦୨୦ – ବୁଧବାର (ରାଶିଫଳ)

ମେଷ

ଆଶ୍ୱିନୀ ନକ୍ଷତ୍ର – ଆଜି ନିଜର ସକ୍ଷମ ମୁତାବକ କିଛି ଖାଦ୍ୟ କୌଣସି ଅସହାୟ ଲୋକକୁ ସାହାଯ୍ୟ କରନ୍ତୁ ମନର ଆଶା ପୁରଣ ହେବ ।

ଦ୍ୱିଜା ନକ୍ଷତ୍ର – ପିତାଙ୍କ ସହିତ ମତଭେଦ ହେବ ଏବଂ ଆଜି ଅଯଥା ଖର୍ଚ୍ଚାନ୍ତ ହେବେ ।

କୃତ୍ତିକା ନକ୍ଷତ୍ର – ଆଜି ରିଷ୍ଟପୂର୍ଣ୍ଣ ଦିବସ ରହିଛି ଘରୁ ବାହାରିଲା ବେଳେ କିଛି ଦହି ଖାଇକି ବାହାରନ୍ତୁ ।

ଶୁଭ ରଙ୍ଗ – ହଳଦିଆ

ଉପାୟ- ଜଳରେ ହଳଦି ମିଶାଇ ସ୍ନାନ କରିବ ଏବଂ ଓଁ ଋଣହତ୍ରେ ନମଃ ୨୭ଥର ଜପ କରିବ  ।

ବୃଷ

କୃତ୍ତିକା ନକ୍ଷତ୍ର – ଆଜି କୌଣସି ଆର୍ଥିକ କ୍ଷତି ହେବ ଏବଂ ନିଚ୍ଚଲୋକ ଠାରୁ ଅପମାନିତ ହେବେ ମଥାରେ ଚନ୍ଦନ ଲଗାନ୍ତୁ ।

ରୋହିଣି ନକ୍ଷତ୍ର – ସ୍ୱାମୀ ସ୍ତ୍ରୀ କିମ୍ବା ପ୍ରେମୀଯୁଗଳ ହୁଅନ୍ତୁ ମତାନ୍ତର ସହିତ ମନ ବିଚଳିତ ରହିବ, କିଛି ଖାଦ୍ୟ ଦାନ କରନ୍ତୁ ।

ମୃଗଶିରା ନକ୍ଷତ୍ର – ଆଜି ଚାକିରି ହେଉ କିମ୍ବା ବ୍ୟବସାୟରେ ସଂପୂର୍ଣ୍ଣ ସତର୍କ ରହିବେ ନଚେତ ଦଣ୍ଡିତ ହୋଇପାରନ୍ତି ।

ଶୁଭ ରଙ୍ଗ – ଲାଲ ରଙ୍ଗ

ଉପାୟ – ଜଳରେ କ୍ଷିର କିମ୍ବା ଗଙ୍ଗାଜଳ ମିଶାଇ ସ୍ନାନ କରିବେ ଏବଂ ଓଁ ଦେତ୍ୟ ଗୁରବେ ନମଃ ୨୭ଥର ଜପ କରିବେ, ମଥାରେ ଚନ୍ଦନ ତିଳକ ଲଗାଇବେ ଏବଂ ଚନ୍ଦନ କାଠି ପାଖରେ ରଖିବେ ।

ମିଥୁନ

ମୃଗଶିରା ନକ୍ଷତ୍ର – ଅଶୁଭ ଗ୍ରହଙ୍କର ପ୍ରଭାବରେ ଆଜି ସାଧାରଣ କଥାକୁ ନେଇ ବିଶୃଙ୍ଖଳା ଘଟିବ ଫଳରେ ମନ ଦୁର୍ବଳ ରହିବ କାର୍ଯ୍ୟ ବିଗିଡିଯିବ ।

ଆଦ୍ରା ନକ୍ଷତ୍ର – ଆଜି କୌଣସି ତରବରିଆ ନିଷ୍ପତି ନେବେ ନାହିଁ ନହେଲେ ନିଜର କ୍ଷତି ହେବ, ନିଜର କାମଗୁଡିକ ସହଜରେ ପୁରଣ ହେବନାହିଁ ।

ପୂନର୍ବସୁ ନକ୍ଷତ୍ର – ଶତ୍ରୁ ଆଜି ମିତ୍ର ପାଲଟିଯିବ,ନହେଉଥିବା କାମ ସହଜରେ ହୋଇଯିବ, ମନ ଉତ୍ସାହିତ ରହି ।

ଶୁଭ ରଙ୍ଗ – ପାଉଁସିଆ

ଉପାୟ – ଜଳରେ ଗୋଲାପଜଳ ମିଶାଇ ସ୍ନାନ କରିବେ ଏବଂ ଓଁ ଲକ୍ଷ୍ମୀନାରାୟଣାୟ ନମଃ ୨୭ଥର ଜପ କରିବେ, ସବୁଜ ବସ୍ତ୍ର ଦାନ କରିବେ  ।

କର୍କଟ

ପୂନର୍ବସୁ ନକ୍ଷତ୍ର – ପାରିବାରିକ ବୋଝ ସହିତ ଚାକିରି କିମ୍ବା ବ୍ୟବସାୟରେ ଭୁଲବୁଝାବଣାର ଶିକାର ଏବଂ ଅର୍ଥଚିନ୍ତା ବଢିବ  ।

ପୂଷ୍ୟା ନକ୍ଷତ୍ର – ଆଜି ମନ ସନ୍ଦେହ ଭିତରେ ରହିବ ତେଣୁ ଚାକିରି ହେଉ କିମ୍ବା ବ୍ୟବସାୟ ବିଭିନ୍ନ ସମସ୍ୟା ଉପୁଜିବ  ।

ଅଶ୍ଲେଷା ନକ୍ଷତ୍ର –  ପ୍ରତି କାମ ବିଳମ୍ବରେ ହାସଲ ହେବ, ପ୍ରତି ମୂହୁର୍ତ୍ତରେ ମନ ଭିତରେ ଅଜଣା ଡର ରହିବ ।

ଶୁଭ ରଙ୍ଗ – ଧଳା

ଉପାୟ – ଜଳରେ ହଳଦିଆ ସୋରିଷ ମିଶାଇ ସ୍ନାନ କରିବେ ଏବଂ ଓଁ ବକ୍ରତୁଣ୍ଡାୟ ନମଃ ୨୭ଥର ଜପ କରିବେ, ଚଣାଡାଲି ଦାନ କରିବେ  ।

ସିଂହ

ମଘା ନକ୍ଷତ୍ର – ଗୋଲାପି ରଙ୍ଗର ବସ୍ତ୍ର ପରିଧାନ କରନ୍ତୁ ଏବଂ ନିଜର କିଛି ଅର୍ଥ ଆଜି କାହାକୁ ସାହାଯ୍ୟ କରନ୍ତୁ ମନମୁତାବକ ଫଳ ମିଳିବ ।

ପୂର୍ବାଫାଲଗୁନି ନକ୍ଷତ୍ର – ପ୍ରବାସରେ ଥିବା ବ୍ୟକ୍ତିମାନଙ୍କର ମାନସିକ ଚିନ୍ତା ବଢିବ, ଅର୍ଥାଭାବ ବଢିବ ।

ଉତ୍ତରାଫାଲଗୁନୀ ନକ୍ଷତ୍ର – ଖର୍ଚ୍ଚ ବଢିଚାଲିବ କିନ୍ତୁ ରୋଜଗାର ସେହି ଅନୁପାତରେ ହେବନାହିଁ ।

ଶୁଭରଙ୍ଗ – ଧଳ

ଉପାୟ – ଜଳରେ କଳାରାଶି ମିଶାଇ ସ୍ନାନ କରିବେ ଏବଂ ଓଁ ପିପଳାୟ ନମଃ ୨୭ଥର ଜପ କରିବେ, ବିରିଡାଲି ଦାନ କରିବେ ।

କନ୍ୟା

ଉତ୍ତରାଫାଲଗୁନୀ ନକ୍ଷତ୍ର – ଜାଗାବାଡି କିମ୍ବା ନୂଆ କୌଣସି ଗାଡି କିଣିବାର ସମ୍ଭାବନା ସୃଷ୍ଟି ହେବ, ପୂର୍ବରୁ ନିବେଷ କରିଥିବା ଅର୍ଥର ଲାଭାଶଂ ମିଳିବ ।

ହସ୍ତା ନକ୍ଷତ୍ର – ଆର୍ଥିକ ଅଭିବୃଦ୍ଧି, ନିତ୍ୟବ୍ୟବହାର୍ଯ୍ୟ ଦ୍ରବ୍ୟ ଲାଭ କିନ୍ତୁ ମାନସମ୍ନାନରେ କମି ରହିବ ।

ଚିତ୍ରା ନକ୍ଷତ୍ର – ପ୍ରତି କାର୍ଯ୍ୟରେ ମନମୁତାବକ ଫଳ ମିଳିବ, କିନ୍ତୁ ଛାତି କିମ୍ବା ମୁଣ୍ଡ ଜନିତ ଅସୁବିଧା ଭୋଗିବେ  ।

ଶୁଭ ରଙ୍ଗ – ସବୁଜ

ଉପାୟ – ଜଳରେ ଗୋମତିଚକ୍ର ପକାଇ ସ୍ନାନ କରିବେ ଏବଂ ଓଁ ଗ୍ରହପତୟେ ନମଃ ୨୭ଥର ଜପ କରିବେ, କୋଳଥଡାଲି ଦାନ କରିବେ ।

ତୁଳା

ଚିତ୍ରା ନକ୍ଷତ୍ର – ସରକାରଙ୍କର କୌଣସି ଯୋଜନାରେ ଲାଭାନ୍ୱିତ ହେବେ, କିନ୍ତୁ ଅଚାନକ ମୁଣ୍ଡବ୍ୟଥା ଭଳି ଅସୁସ୍ଥତା ମନକୁ ଅଶାନ୍ତ କରିଦେବ ।

ସ୍ୱାତୀ ନକ୍ଷତ୍ର – ପିଲାମାନଙ୍କ ମଧ୍ୟରେ ଆତ୍ମବଳ ବଢିବ,ଜିବନର କୌଣସି ଲକ୍ଷ ପୂର୍ଣ୍ଣ ହେବ, ନିତ୍ୟବ୍ୟବହାର୍ଯ୍ୟ ଦ୍ରବ୍ୟର ଅଭାବ ବଢିବ ।

ବିଶାଖା ନକ୍ଷତ୍ର – ଆଜି ଘରୁ ବାହାରିଲା ବେଳେ ଶମିଗଛର ପତ୍ର ନିଜ ପାଖରେ ରଖି ବାହାରନ୍ତୁ ସବୁବକାମରେ ଜୟ ହେବ ।

ଶୁଭ ରଙ୍ଗ – ଧଳା

ଉପାୟ – ଜଳରେ ହଳଦି ମିଶାଇ ସ୍ନାନ କରିବେ ଏବଂ ଓଁ ବୁଧ ମହାଗ୍ରହାୟ ନମଃ ୨୭ଥର ଜପ କରିବେ, ଅରୁଆ ଚାଉଳ ଦେବଜ୍ଞ ବ୍ରାହ୍ମଣଙ୍କୁ ଦାନ କରିବେ ।

ବିଛା

ବିଶାଖା ନକ୍ଷତ୍ର – ଆର୍ଥିକ ଅବନତି ସହିତ କର୍ମକ୍ଷେତ୍ରରେ ଅଶୁଭ ସୂଚନା ବଢିବ ଯୋଜନାରେ ଅସଫଳ ହେବେ ।

ଅନୁରାଧା ନକ୍ଷତ୍ର – ପାରିବାରିକ ମାନସିକଚାପ ବଢିବ,  ଆର୍ଥିକ ଅନାଟନ ବଢିବ, ବିବାହ ଯୋଗ୍ୟ ପିଲାଙ୍କର ବିବାହର ସମ୍ଭାବନା ସୃଷ୍ଟି ହେବ ।

ଜ୍ୟେଷ୍ଠା ନକ୍ଷତ୍ର – ନିତିଦିନ ଜିବନରେ ସଂଘର୍ଷ ବଢି ଚାଲିବ, ଜିବନ ଜିବିକାକୁ ନେଇ ଚିନ୍ତା ଦେଖାଦେବ  ।

ଶୁଭ ରଙ୍ଗ – ସବୁକ

ଉପାୟ – ଜଳରେ ଲାଲସିନ୍ଦୁର ମିଶାଇ ସ୍ନାନ କରିବେ ଏବଂ ଓଁ ଅଙ୍ଗାରକାୟ ନମଃ ୨୭ଥର ଜପ କରିବେ, ମସୁରଡାଲି ଦାନ କରିବେ ।

ଧନୁ

ମୂଳା ନକ୍ଷତ୍ର – ନିଜ ବନ୍ଧୁପରିଜନରେ କିମ୍ବା ସମାଜରେ କଲ୍ୟାଣକାରି କାର୍ଯ୍ୟକରି ଆତ୍ମସମ୍ମାନ ବୃଦ୍ଧି ହେବ ।

ପୂର୍ବଷାଢା ନକ୍ଷତ୍ର – ଆଜି କିଛି ଗୁଡ ଗାଇଙ୍କୁ ନିଜ ହାତରେ ଖୁଆନ୍ତୁ ଅଟକିଥିବା କାମ ପୁରଣ ହେବ ।

ଉତ୍ତରାଷାଢା ନକ୍ଷତ୍ର – କିଛି ନା କିଛି ମନମୁତାବକ ଇଛା ପୁରଣ ହେବ, ଅନ୍ୟର ସୁଖରେ ସୁଖି ହେବେ ଫଳରେ ମାନସମ୍ନାନ ମିଳିବ ।

ଶୁଭ ରଙ୍ଗ – ଧଳା

ଉପାୟ – ଦହି ମିଶାଇ ସ୍ନାନ କରିବେ ଏବଂ ଓଁ ଜଗନ୍ନାଥାୟତେ ନମଃ ୨୭ଥର ଜପ କରିବେ, ଖଣ୍ଡହଳଦି ଭଗବାନ ବିଷ୍ଣୃଙ୍କୁ ଅର୍ପଣ କରିବେ  ।

ମକର

ଉତ୍ତରାଷାଢା ନକ୍ଷତ୍ର – ଆୟଠାରୁ ବ୍ୟୟ ବଢିବ ମାତ୍ର କୌଣସି ଅଟକିଥିବା କାର୍ଯ୍ୟ ହାସ ହେବ ଏବଂ ପୁରୁଣା ବକେୟା ମିଳିବ କିମ୍ବା ମିଳିବାର ସମ୍ଭାବନା ଷୃଷ୍ଟି ହେବ  ।

ଶ୍ରବଣା ନକ୍ଷତ୍ର – ବନ୍ଧୁପରିଜନରେ ସାହାଯ୍ୟ ମିଳିବ, ଯାହା ଉଦ୍ୟମ କରିବେ ପୁରଣ ହେବ, ଗୃହନିମାଣ ଆଦି କାଯ୍ୟ ଆରମ୍ଭ କରିବେ ।

ଧନିଷ୍ଠା ନକ୍ଷତ୍ର – ସମୟ ଏତେ ଶୁଭ ରହିବ ନାହିଁ ତେଣୁ ଖଣ୍ଡେ ହଳଦିଆ ବସ୍ତ୍ର ଭଗବାନ ବିଷ୍ଣୁଙ୍କୁ ସମର୍ପି କୌଣସି ଅସହାୟକୁ ଦାନ କରନ୍ତୁ ।

ଶୁଭ ରଙ୍ଗ – ଧଳା

ଉପାୟ – ଜଳରେ ଗୁଜୁରାତି ମିଶାଇ ସ୍ନାନ କରିବେ ଏବଂ ଓଁ ମହାବଳାୟ ନମଃ ୨୭ଥର ଜପ କରିବେ, ମୁଗଡାଲି ଦାନ କରିବେ ।

କୁମ୍ଭ

ଧନିଷ୍ଠା ନକ୍ଷତ୍ର – ଆଜି କିଛି ବିରିଡାଲି କୌଣସି ଦିବ୍ୟାଙ୍ଗଙ୍କୁ ଦାନ କରନ୍ତୁ ରିଷ୍ଠ ଖଣ୍ଡନ ହୋଇ ଶୁଭରେ ଦିନ କଟିବ  ।

ଶତଭିଷା ନକ୍ଷତ୍ର – ଆଜି କଳା ରଙ୍ଗର କିଛି ବ୍ୟବହାର କରନ୍ତୁ ଏବଂ କିଛି ଲୁହାର ଦ୍ରବ୍ୟ କୌଣସି କଳା ବ୍ରାହ୍ମଣଙ୍କୁ ଦାନ କରନ୍ତୁ  ।

ପୂର୍ବଭାଦ୍ର ନକ୍ଷତ୍ର – ଚେଷ୍ଟା ଅନୁଯାୟୀ ଫଳ ମିଳିବ ନାହିଁ, ରାଜଦଣ୍ଡର ସୁଚନା ରହିଛି ତେଣୁ ପ୍ରତି କ୍ଷେତ୍ରରେ ସତର୍କର ସହିତ ରହିବା ଜରୁରୀ  ।

ଶୁଭ ରଙ୍ଗ – ହଳଦିଆ

ଉପାୟ – ସ୍ନାନସାରି ତମ୍ବାପାତ୍ରରେ ଜଳଭରି ଧଳାରାଶି ମିଶାଇ ସୂର୍ଯ୍ୟଙ୍କୁ ଜଳଅର୍ଘ୍ୟ ଦିଅନ୍ତୁ ।

ମୀନ

ପୂର୍ବଭାଦ୍ର ନକ୍ଷତ୍ର – ପେଟ ଏବଂ ଛାତି ଜନିତ ବ୍ୟଥା ଭୋଗିବେ, ଗୃହରେ କିମ୍ବା ସଙ୍ଗସାଥିରେ ବିଶୃଙ୍ଖଳା ଷୃଷ୍ଟି ହେବ, ତେଣୁ ମନେମନେ ଓଁ ନମଃ ଶିବାୟ ଜପ କରିବେ ।

ଉତ୍ତରଭାଦ୍ର ନକ୍ଷତ୍ର – ମନକୁ ଅଜଣା ଭୟ ମଧ୍ୟରେ ଦିନଭରି ରହିବ, ଅର୍ଥ ବ୍ୟୟ ଏବଂ ମାନସିକ ଅଶାନ୍ତି ବଢିବ, ପାରାଙ୍କୁ ଖାଇବାକୁ ଦେବେ କଲ୍ୟାଣ ହେବ ।

ରେବତୀ ନକ୍ଷତ୍ର – ଆୟ ଠାରୁ ବ୍ୟୟ ଅଧିକ ହେବ, ଚାକିରିରେ ଅନିଶ୍ଚିତତା ପରିସ୍ଥିତି ଷୃଷ୍ଟି ହେବ, ମନ ଅସ୍ଥିର ରହିବ  ।

ଶୁଭ ରଙ୍ଗ – ନିଳ

ଉପାୟ – ଜଳରେ କେଶର ମିଶାଇ ସ୍ନାନକରିବେ ଏବଂ ଓଁ ବିଷ୍ଣବେ ନମଃ ୨୭ଥର ଜପ କରିବେ, ଗହମ ଦାନ କରିବେ ।

ବୁଧବାର ମହାଉପାୟ –

• ପିଲାଙ୍କର ବିଦ୍ୟା ଅଧ୍ୟୟନ ପ୍ରତି ଆଗ୍ରହ ନିମନ୍ତେ କରନ୍ତୁ ଏହି ମହାଉପାୟ
• ପଢାଗୃହଟି ଗୃହର ଉତରଦିଗ, ପୂର୍ବଦିଗ କିମ୍ବା ଉତ୍ତର-ପୂର୍ବ ବା ଐଶାନ୍ୟ ଦିଗରେ ରହିବା ସହିତ ପିଲାମାନେ ପଢିଲା ବେଲେ ଏହି ଦିଗକୁ ମୁଖ କରି ପଢିବା ଜରୁରୀ ।
• ପଢାଗୃହରେ ନିଳ ସରସ୍ୱତୀ ଏବଂ ଗଣେଷ ଭଗବାନଙ୍କର ଫଟୋ ରଖି ପଢା ଆରମ୍ଭରୁ ଦର୍ଶନ କରି ଆରମ୍ଭ କରିବ ।
• ପଢାଟେବୁଲ ଉପରେ ଗୋଟେ ପୃଥିବି ଚିତ୍ରର ଗ୍ଲୋଭସ୍ ଓ ବିଦ୍ୟାବୃଦ୍ଧି ଯନ୍ତ୍ର ରଖିବେ ।
• ସୂର୍ଯ୍ୟୋଦୟ ପୂର୍ବରୁ ବ୍ରାହ୍ମମୁହୁର୍ତରେ ପଢିବା ଅଧିକ ଶୁଭ ବା ସ୍ମୃତିଶକ୍ତି ବଢିଥାଏ ।
• ସବୁବେଳେ ଗୋଟେ ମୟୁର ଚନ୍ଦ୍ରିକା ବହି ଭିତରେ ରଖି ପଢିବା ଶୁଭପ୍ରଦ ।
• ପଢାଟେବୁଲ ଉପରେ କେବେବି ଅଇଁଠା କରିବେ ନାହିଁ ।
• ପଢା ଗୃହରେ କୌଣସି ଖାତା ବହି କଲମ କେବେବି ଖୋଲା ରଖି ଯିବେ ନାହିଁ ।

    ଗର୍ଗ ଜ୍ୟୋତିଷ ଜ୍ୟୋତିଷ ଶ୍ରୀପତି ଆଚାର୍ଯ୍ୟ