Covid19 Vaccine: ବନ୍ଦ ହେଲା ଏଷ୍ଟ୍ରାଜେନେକା ଭ୍ୟାକ୍ସିନ୍ ଟ୍ରାଏଲ୍

1 min read

ଲଣ୍ଡନ: କରୋନା ଭାଇରସ୍ ବିରୋଧୀ ଲଢ଼େଇକୁ ବଡ଼ ଝଟକା ଲାଗିଛି । ଏଷ୍ଟ୍ରାଜେନେକା କୋଭିଡ୍ ଭ୍ୟାକ୍ସିନ୍ ମାନବ ପରୀକ୍ଷଣରେ ସାମିଲ୍ ଜଣେ ବ୍ୟକ୍ତି ଅସୁସ୍ଥ ହେବା ପରେ ଟ୍ରାଏଲକୁ ରୋକି ଦିଆଯାଇଛି । ଏଷ୍ଟ୍ରାଜେନେକା ଏକ ବୟାନ ଜାରି କରି କହିଛି ଏହା ରୁଟିନ୍ ଅନୁସାରେ ସ୍ଥଗିତ ରଖାଯାଇଛି । କାରଣ ପରୀକ୍ଷଣରେ ସାମିଲ ବ୍ୟକ୍ତିଙ୍କ ରୋଗ ନେଇ ଏଯାଏଁ କିଛି ବୁଝି ହେଉନାହିଁ ।

ଏହି ଭ୍ୟାକ୍ସିନର ନାଁ AZD1222 ରଖା ଯାଇଥିଲା । WHO ଅନୁସାରେ ଏହି ଭ୍ୟାକ୍ସିନ୍ ଦୁନିଆର ଅନ୍ୟ ସମସ୍ତ ଭ୍ୟାକ୍ସିନ୍ ଠାରୁ ଟ୍ରାଏଲରେ ଆଗରେ ଥିଲା । ସୂଚନା ଯୋଗ୍ୟ ଯେ, ଭାରତ ସମେତ ଅନ୍ୟ କେତକ ଦେଶର ନଜର ଅକ୍ସଫୋର୍ଡ ଟିକା ଉପରେ ରହିଛି । ଦୁନିଆର ଏକାଧିକ ସ୍ଥାନରେ ଚାଲିଛି କରୋନା ଭ୍ୟାକ୍ସିନର ଟ୍ରାଏଲ । ଏହି ଭ୍ୟାକ୍ସିନ୍ ତୃତୀୟ ପର୍ଯ୍ୟାୟ ଟ୍ରାଏଲରେ ପହଞ୍ଚିଛି । ସର୍ବପ୍ରଥମେ ଅକ୍ସଫୋର୍ଡ ଭ୍ୟାକ୍ସିନ୍ ବଜାରକୁ ଆସିବା ନେଇ ବିଶ୍ୱବିଦ୍ୟାଳୟ କର୍ତ୍ତୃପକ୍ଷ ଆଶା ରଖିଛନ୍ତି ।

ଖବର ମୁତାବକ ଏଷ୍ଟ୍ରାଜେନେକାର ସମସ୍ତ ଟ୍ରାଏଲକୁ ବର୍ତ୍ତମାନ ପାଇଁ ସ୍ଥଗିତ ରଖାଯାଇଛି । ସ୍ୱତନ୍ତ୍ର ଯାଞ୍ଚ ପରେ ପୁଣି ଟ୍ରାଏଲ ଆରମ୍ଭ ହେବ । ତୃତୀୟ ପର୍ଯ୍ୟାୟ ଟ୍ରାଏଲରେ ହଜାର ହଜାର ସାମିଲ ହୁଅନ୍ତି । ପରୀକ୍ଷଣ ବହୁତ ଦିନ ଧରି ଚାଲେ । ଏହି ଭ୍ୟାକ୍ସିନର ତୃତୀୟ ପର୍ଯ୍ୟାୟ ଟ୍ରାଏଲରେ ୩୦ ହଜାର ଲୋକ ସାମିଲ୍ ଥିଲେ ।

Opn Commnet Area

Leave a Reply

Your email address will not be published. Required fields are marked *

Close Bitnami banner