୭୫,୬୩୯ କିଲୋମିଟର ସ୍ପିଡ୍ରେ ଆସୁଛି ଧୂମକେତୁ, ଧକ୍କା ହେଲେ…
ପୃଥିବୀ ପାଇଁ ପୁଣି ଏକ ଧୂମକେତୁ ଚିନ୍ତା । ମାଡ଼ି ଆସୁଛି ଆଉ ଏକ ଧୂମକେତୁ । ଯେଉଁଠି ପଡ଼ିବ ପ୍ରାୟ ଏକ ମାଇଲ ପର୍ଯ୍ୟନ୍ତ ଏକ ବଡ଼ ଭର୍ତ୍ତ ସୃଷ୍ଟି ହେବ । ଏହି ବିଶାଳକାୟ ଧୂମକେତୁକୁ ନେଇ ପୁଣି ଚର୍ଚ୍ଚା ଆରମ୍ଭ ହୋଇଛି । ପୃଥିବୀ ପ୍ରତି ବିପଦ ସତେ ଯେମିତି ଗୋଟିଏ ପରେ ଗୋଟିଏ ଖଞ୍ଜା ହୋଇ ରହିଛି । ଏଇ କିଛି ଦିନ ପୂର୍ବେ ଏମିତି ଏକ ଧୂମକେତୁ ପୃଥିବୀ ଆଡ଼କୁ ମାଡ଼ି ଆସିଥିଲେ । ହେଲେ ସୌଭାଗ୍ୟ ବସତଃ ତାହା ଫୃଥିବୀ ପାଖ ଦେଇ ଗତି କଲା ହେଲେ କୗଣସି କ୍ଷତି ପହଞ୍ଚାଇଲା ନାହିଁ । 
ତେବେ ପୁଣି ଏକ ଧୂମକେତୁ ପୃଥିବୀ ମୁହାଁ ଥିବା ବେଳେ ଏହାକୁ ନେଇ ଚିନ୍ତା ବଢ଼ିଛି । ଯଦି ଏହି ଧୂମକେତୁ ପୃଥିବୀରେ ମାଡ଼ ହେବ, ତେବେ ଏହା ବିଶେଷ କ୍ଷତି ନଘଟାଇଲେ ମଧ୍ୟ ଯେଉଁ ସ୍ଥାନରେ ପଡ଼ିବ ସେଠାରୁ ପ୍ରାୟ ଏକ ମାଇଲ ପର୍ଯ୍ୟନ୍ତ ଅଞ୍ଚଳ ସମ୍ପୂର୍ଣ୍ଣ ଧ୍ୱଂସ ହୋଇଯିବ । ଏନେଇ ୟୁରୋପିୟନ ସ୍ପେସ୍ ଏଜେନ୍ସି ପକ୍ଷରୁ ସୂଚନା ଦିଆଇଛି ।
ସ୍ପେସ୍ ଏଜେନ୍ସିର କହିବାନୁଯାୟୀ, ଏହି ଧୂମକେତୁ ବା ଆଷ୍ଟ୍ରଏଡ୍ ପୃଥିବୀ ଆଡ଼କୁ ଘଣ୍ଟା ପ୍ରତି ୭୫ ହଜାର ୬୩୯ କିଲୋମିଟର ସ୍ପିଡ୍ରେ ମାଡ଼ି ଆସୁଛି । ଏହି ଆଷ୍ଟ୍ରଏଡ୍ର ନାଁ ୨୦୨୦ ଏମ୍ଓ ୧ ବୋଲି ରଖାଯାଇଛି । ଯିଏ କି ଏବେ ସୂର୍ଯ୍ୟଙ୍କ ପରିକ୍ରମା କରୁଛି ।
ଏହି ଧୂମକେତୁ ୩ ଜୁଲାଇ ୨୦୫୯ରେ ପୃଥିବୀ ସହ ଧକ୍କା ହୋଇପାରେ । ଏହାର ବ୍ୟାସ ପ୍ରାୟ ୨୩୦ ଫୁଟ୍ ବୋଲି ବୈଜ୍ଞାନିକମାନେ ଆକଳନ କରିଛନ୍ତି । ଏହା ସୂର୍ଯ୍ୟ ଚାରିପାଖେ ଏକ ଲମ୍ବା କକ୍ଷରେ ପରିକ୍ରମା କରୁଛି । ଯାହା କି ମଙ୍ଗଳ ଗ୍ରହ ପର୍ଯ୍ୟନ୍ତ ପରିବ୍ୟପ୍ତ ।
ଏହି ଧୂମକେତୁ ପୃଥିବୀ ସହ ଧକ୍କା ହେଲେ ଏକ ଉର୍ଜା ବାହାରିବ ଯାହା ଦ୍ୱାରା କିଛି କିଲୋମିଟର ମଧ୍ୟରେ ଥିବା ସମସ୍ତ ଜୀବ ଜନ୍ତୁ ଧ୍ୱଂଶ ପାଇଯିବେ । ସେମାନଙ୍କ ଉପରେ ଗଭୀର ପ୍ରଭାବ ପଡ଼ିବ ।
ତେବେ ଏହି ଆଷ୍ଟ୍ରଏଡ୍ ପୃଥିବୀ ପର୍ଯ୍ୟନ୍ତ ନପହଞ୍ଚିବାର ସମ୍ଭାବନା ବେଶି ରହିଛି । କାରଣ ଏହା ସୂର୍ଯ୍ୟଙ୍କ ଚାରିପାଖେ ବୁଲୁଥିବାରୁ ଚୁମ୍ବକୀୟ ଶକ୍ତି ଦ୍ୱାରା ତାହା ନଷ୍ଟ ହୋଇପାରେ । କିମ୍ବା ପୃଥିବୀ ପର୍ଯ୍ୟନ୍ତ ପାହଞ୍ଚିବା ବେଳକୁ ତାକୁ ଅନେକ ବାଧା ବିଘ୍ନ ଦେଇ ଆସିବାକୁ ପଡ଼ିବ ତେଣୁ ସେ ତାର ରାସ୍ତା ବଦଳାଇଦେବାର ସମ୍ଭାବନା ମଧ୍ୟ ରହିଛି ।
