ଯନ୍ତ୍ରୀଙ୍କ ସମ୍ପତ୍ତି ଦେଖି ଜଳକା ଭିଜିଲାନ୍ସ, ଗିରଫ ହେଲେ କଟକ ସଦର ବ୍ଲକ ସହକାରୀ ଯନ୍ତ୍ରୀ

କଟକ: ଯନ୍ତ୍ରୀଙ୍କ ସମ୍ପତ୍ତି ଦେଖି ଜଳକା ଭିଜିଲାନ୍ସ । ଗିରଫ ହେଲେ କଟକ ସଦର ବ୍ଲକ ସହକାରୀ ଯନ୍ତ୍ରୀ ବିକାଶ ଭୂୟାଁ । ବିକାଶ ଚନ୍ଦ୍ର ଭୂୟାଁଙ୍କୁ ଗିରଫ କଲା ଭିଜିଲାନ୍ସ । ବାବୁଙ୍କ ୧୮୩ % ଆୟ ବହିର୍ଭୁତ ସମ୍ପତ୍ତି ଠାବ କରିଛି ଭିଜିଲାନ୍ସ । ଗତକାଲିଠାରୁ ବାବୁଙ୍କ ଘରେ ଛାପା ମାରୁଥିଲା ଭିଜିଲାନ୍ସ । ଟୁଇନସିଟିର ୭ଟି ସ୍ଥାନରେ ମୂଲ୍ୟବାନ ପ୍ଲଟ ସହ ସୌଭାଗ୍ୟ ନଗରରେ ବିକାଶଙ୍କ ରହିଛି ବହୁତଳ ପ୍ରାସାଦ । ୫୦ ଲକ୍ଷରୁ ଉର୍ଦ୍ଧ୍ବ ଟଙ୍କାର ବ୍ୟାଙ୍କ ଡିପୋଜିଟ ଓ ଅଳଙ୍କାର ଜବତ ହୋଇଛି । ସଉକ ପାଇଁ କିଣୁଥିଲେ ହୀରା ହାର, ସୁନା ବିସ୍କୁଟ । ପିଲାଙ୍କ ପାଠପଢ଼ାରେ ଖର୍ଚ୍ଚ କରିଛନ୍ତି କୋଟିଏରୁ ଉର୍ଦ୍ଧ ଟଙ୍କା । ଘର ଭିତରୁ ମିଳିଥିଲା ନଗଦ ୧୧ ଲକ୍ଷ ୭୩ ହଜାର ଟଙ୍କା । ୧୩.୪୦ ଲକ୍ଷର ଚାରି ଚକିଆ ଓ ୩ଟି ଦୁଇଚକିଆ ଗାଡ଼ି ଠାବ ହୋଇଛି ।