ସହକାରୀ ଯନ୍ତ୍ରୀଙ୍କୁ ଗିରଫ କରି କୋର୍ଟ ଚାଲଣ କଲା ଭିଜିଲାନ୍ସ…

ଭୁବନେଶ୍ୱର: ରାସ୍ତା ଓ ସେତୁ ନିର୍ମାଣ ୫ ନମ୍ୱର ବିଭାଗର ସହକାରୀ ଯନ୍ତ୍ରୀ ଶାରଦା ପ୍ରସାଦ ଗୌଡ଼ଙ୍କୁ ଗିରଫ କରି କୋର୍ଟ ଚାଲଣ କରିଛି। ଆୟ ବହିର୍ଭୁତ ସମ୍ପତ୍ତି ଠୁଳ ଅଭିଯୋଗରେ ଭିଜିଲାନ୍ସ ତାଙ୍କ ବିରୋଧରେ ଏଭଳି କାର୍ଯ୍ୟାନୁଷ୍ଠାନ ନେଇଛି । ଭୁବନେଶ୍ୱର ଭିଜିଲାନ୍ସ ଡିଭିଜନ ପକ୍ଷରୁ ଗତକାଲି ଏକକାଳୀନ ୬ଟି ସ୍ଥାନରେ ଚଢ଼ାଉ ହୋଇଥିଲା।

ଚଢ଼ଉ ସମୟରେ ଯନ୍ତ୍ରୀ ଶାରଦା ଗୌଡ଼ଙ୍କ ମୋଟ ସମ୍ପତ୍ତିର ଶତକଡା ୧୩୨ ପ୍ରତିଶତ ସମ୍ପତ୍ତି ଆୟ ବହିର୍ଭୁତ ବୋଲି ଜାଣିପଡିଥିଲା। ଆଜି  ସକାଳେ ଯନ୍ତ୍ରୀ ଶାରଦାଙ୍କୁ ଗିରଫ କରି  ପ୍ରଥମେ ଡାକ୍ତରଖାନାରେ କୋଭିଡ ପରୀକ୍ଷା ପାଇଁ ପଠାଯାଇଥିଲା । ପରେ ତାଙ୍କୁ କୋର୍ଟ ଚାଲାଣ କରାଯାଇଥିବା ଭିଜିଲାନ୍ସ ବିଭାଗ ପକ୍ଷରୁ ସୂଚନା ମିଳିଛି।