ଭୁବନେଶ୍ୱର: ମହାପ୍ରଭୁଙ୍କ ଟଙ୍କା YES Bankରେ ରଖାଯିବାକୁ ନେଇ ଗୃହ ଅଚଳ । ତଦନ୍ତ ନେଇ ଗୃହ କମିଟି ଗଠନ ଦାବି କଲେ ବିରୋଧୀ କଂଗ୍ରେସ ଓ ବିଜେପି । ଗୃହର ମଧ୍ୟ ଭାଗକୁ ଆସି ଦାବି କଲେ ବିଜେପି ସଦସ୍ୟ । ନିଜ ସ୍ଥାନରେ ଛିଡ଼ା ହୋଇ ଦାବି ଜଣାଇଲେ କଂଗ୍ରେସ ନିଜ ସଭ୍ୟ । ଗୃହକୁ ପ୍ରଥମେ ସାଢ଼େ ୧୧ଟା ଓ ପରେ ଆଉ ୧୦ ମିନିଟ ପାଇଁ ଗୃହକୁ ମୁଲତବୀ ଘୋଷଣା କଲେ ବାଚସ୍ପତି ।
- ଜଗନ୍ନାଥଙ୍କ ଟଙ୍କାରେ କମ୍ପ୍ରମାଇଜ୍ ହେବନାହିଁ । ଗୃହ କମିଟି ହେଉ। ତଦନ୍ତ ହେଉ। ବିଜୟ ସାହୁ CA ହୋଇ କମିଟି ସଦସ୍ୟ ହେଲେ। ସେ ଦାୟୀ କି ଅନ୍ୟ କେଉଁ ଅଫିସର ଦାୟୀ? ତଦନ୍ତ ହେଉ। ଦୋଷୀ ଦଣ୍ଡ ପାଉ।
- ଏକ ମାସ ଭିତରେ 545 କୋଟି SBI କି ଅନ୍ୟ କୌଣସି ରାଷ୍ଟ୍ରାୟତ ବ୍ୟାଙ୍କକୁ ନଫେରିଲେ, ଏପରି ଆନ୍ଦୋଳନ ହେବ କି ବାଚସ୍ପତି ବି ସମ୍ଭାଳି ପାରିବେ ନାହିଁ ବୋଲି କହିଛନ୍ତି କଂଗ୍ରେସ ବିଧାୟକ ସୁରେଶ ରାଉତରାୟ
- ମୁଁ କାଲି ଗୃହ କମିଟି କଥା ଉଠେଇଥିଲି। ହେଲେ ଅଗ୍ରାହ୍ୟ ହେଲା। ଗୃହ କମିଟି ହେଉ, ତଦନ୍ତ ହେଉ। ଯେଉଁ ଅଧିକାରୀ ଦାୟୀ, ଜଣାପଡିବ। ଯଦି ତିରୁପତି ମନ୍ଦିର କର୍ତ୍ତୃପକ୍ଷ ଜାଣିପାରିଲେ, ଓଡ଼ିଶା କାହିଁକି ଜାଣିପାରିଲେ ନାହିଁ ବୋଲି ଗୃହରେ ପ୍ରଶ୍ନ କରିଛନ୍ତି ବିଜେପି ବିଧାୟକ ଜୟନ୍ତ ଷଡ଼ଙ୍ଗୀ
