ଅଭିଭାବକଙ୍କ ଆଖିବୁଜା ମାଡ଼ରେ ଘାଇଲା ରସିକିଆ ଶିକ୍ଷକ, ଛାତ୍ରୀଙ୍କୁ କରୁଥିଲେ ଅଶାଳୀନ ବ୍ୟବହାର

ଗୁଆହାଟୀ: ମହଙ୍ଗା ପଡ଼ିଲା ଛାତ୍ରୀଙ୍କୁ ଅଶାଳୀନ ବ୍ୟବହାର । ବୟସ୍କ ଶିକ୍ଷକଙ୍କୁ ଖୋଦ୍ ସ୍କୁଲ ଭିତରେ ମାଡ଼ ମାରିଲେ ଅଭିଭାବକ । ଲୋକଙ୍କ ଆଖିବୁଜା ମାଡରେ ଘାଇଲା ହୋଇଛନ୍ତି ରସିକିଆ ଶିକ୍ଷକ । ଆସାମ ଚିରାଙ୍ଗସ୍ଥିତ ଏକ ସ୍କୁଲରେ ଜଣେ ଶିକ୍ଷକ ଜଣେ ୭ ବର୍ଷର ଛାତ୍ରୀଙ୍କୁ ଅଶାଳୀନ ବ୍ୟବହାର କରିବା ନେଇ ଅଭିଯୋଗ ହୋଇଥିଲା । ଏହି ଖବର ପ୍ରସାରିତ ହେବା ପରେ ସ୍ଥାନୀୟ ଅଭିଭାବକମାନେ ଉତ୍ତେଜିତ ହୋଇ ସ୍କୁଲ ଭିତରେ ପ୍ରବେଶ କରି ଶିକ୍ଷକଙ୍କୁ ପିଟିଥିଲେ । ପିଲାମାନେ ଏହା ଦେଖି ଦୌଡ଼ାଦୌଡ଼ି କରିଥିଲେ । ଶିକ୍ଷକ ଯେତେ କାକୁତିମିନତି କରିଥିଲେ ବି ଲୋକେ ଶୁଣି ନଥିଲେ । ଶିକ୍ଷକଙ୍କୁ ଲୋକେ ମୁଥ ମାରିବା ସହ ଚପଲରେ ପିଟିବା ଦେଖାଯାଇଥିଲା ।