ନନ୍ଦିଘୋଷ ବ୍ୟୁରୋ: ଗଂଜାମ ଆସିକାରେ ପାଗଳ କୁକୁର ଆତଙ୍କ। ଧରାକୋଟ ଅଂଚଳରେ ପାଗଳ କୁକୁର କାମୁଡାରେ ୧୨ ଜଣ ଆହତ ହୋଇଛନ୍ତି। ସମସ୍ତ ଆହତଙ୍କୁ ଆସିକା ମେଡିକାଲରେ ଭର୍ତ୍ତି କରାଯାଇଛି। ଧରାକୋଟ ଥାନା ଅନ୍ତର୍ଗତ କୁଶରାଵ ଗ୍ରାମରେ ପାଗଳା କୁକୁର ଆତଙ୍କ ଦେଖାଦେଇଛି। ବରିଗୁଡ଼ା, କୁଶରାବ ଓ ଲଷ୍ମୀପୁର ଗାଁର 12 ଜଣଙ୍କୁ କାମୁଡି ଲହୁ ଲୁହାଣ କରିଛି ପାଗଳା କୁକୁର। କୁଶରାଵ ଗାଁର 7 ଜଣ ବରିଗୁଡ଼ା ଗ୍ରାମର 4 ଜଣ ଓ ଲଷ୍ମୀପୁର ଗ୍ରାମର ଜଣେ କୁକୁର କାମୁଡ଼ାର ଶିକାର ହୋଇଛନ୍ତି। ଏହି ତିନି ଗ୍ରାମରେ ଏବେ ଲୋକେ ଆତଙ୍କିତ ଅବସ୍ଥାରେ ରହିଛନ୍ତି।
