ନାବାଳିକାଙ୍କୁ ବଳି ପକାଇବାକୁ ଅପହରଣ ବେଳେ ୩ ଗିରଫ

ଆସିକା: ପୋଲିସ କବଜାରେ ଅପହରଣକାରୀ । ଆସିକା ପୋଲିସ ୩ ଜଣ ଅପହରଣକାରୀଙ୍କୁ ଗିରଫ କରିଛି । ଗିରଫ ଅପହରଣକାରୀମାନେ ଜଣେ ନାବାଳିକାଙ୍କୁ ବଳି ପକାଇବା ପାଇଁ ଅପହରଣ କରୁଥିଲେ । ପୋଲିସ ଅପହରଣ ଉଦ୍ୟମକୁ ପଣ୍ଡ କରିବା ସହ ଅଭିଯୁକ୍ତଙ୍କୁ ଗିରଫ କରିଛି । ସେମାନଙ୍କ ଠାରୁ ପୋଲିସ ଖଣ୍ଡା ସହ ବାଇକ୍ ମଧ୍ୟ ଜବତ କରିଛି ।

ଗତ କିଛିଦିନ ତଳେ ନାବାଳିକାଙ୍କୁ କିଣିବା ପାଇଁ ଭାଇଙ୍କ ସହ ରାମଚନ୍ଦ୍ରପୁର ଓ ପିତ୍ତଳ ଅଞ୍ଚଳର ତିନିଜଣ କଥାବାର୍ତ୍ତା କରିଥିଲେ । ଏନେଇ ଆସିକା ଥାନାରେ ଅଭିଯୋଗ ହୋଇଥିଲା । ଆଜି ୩ ଅଭିଯୁକ୍ତ ନାବାଳିକାଙ୍କୁ ଅପହରଣ କରିବା ବେଳେ ପୋଲିସ ହାବୁଡ଼ରେ ପଡ଼ିଥିଲେ । ସେମାନଙ୍କଠାରୁ ମାରଣାସ୍ତ୍ର ଜବତ କରାଯାଇଛି ।