ଏସିଆନ ଚମ୍ପିଆନ୍ସ ଟ୍ରଫି ହକି: ସେମିରେ ଜାପାନଠାରୁ ୫-୩ରେ ହାରିଲା ଭାରତ, ଫାଇନାଲ ଆଶା ଧୂଳିସାତ୍

ଢ଼ାକା: ସେମିଫାଇନାଲରେ ଭାଙ୍ଗିଲା ବିଜୟ ଧାରା । ଲିଗ୍ ମ୍ୟାଚର ବିଜୟ ରଥ ଅଟକଲି ସେମିରେ । ଜାପାନଠାରୁ ୫-୩ରେ ପରାଜିତ ହୋଇ ଟିମ୍ ଇଣ୍ଡିଆ ଏସିଆର ବସ୍ ହେବାର ସ୍ୱପ୍ନ ଶେଷ ହୋଇଛି । ଚଳିତ ଏସିଆନ ଚମ୍ପିଆନ୍ସ ଟ୍ରଫି ହକି ସେମିଫାଇନାଲରେ ଆଜି ଭାରତ-ଜାପାନ ମୁହାଁମୁହିଁ ହୋଇଥିଲେ । ଏହି ମ୍ୟାଚରେ ଭାରତକୁ ୫-୩ରେ ପରାସ୍ତ କରିଥିଲା ଜାପାନ ।  ଲିଗ୍ ମ୍ୟାଚରେ ଏକ ତରଫା ବିଜୟର ବଦଲା ନେଇଥିଲା ଜାପାନ ।  ଲିଗ୍ ମ୍ୟାଚରେ ଭାରତ ଜାପାନକୁ ୬-୦ରେ ଏକ ତରଫା ଭାବରେ ବିଜୟ ଲାଭ କରିଥିଲା । କିନ୍ତୁ ସେମିଫାଇନାଲରେ ଲିଗ୍ ମ୍ୟାଚର ପରାଜୟର ବଦଲା ନେଇଥିଲା ଜାପାନ । ଭାରତକୁ ୫-୩ରେ ହରାଇ ଫାଇନାଲରେ ନିଜ ସ୍ଥାନ ପକ୍କା କରିଛି ଜାପାନ ।

India fought back in the second half but couldn't get past the Japan barrier. 🏑

Well played, #MenInBlue. #IndiaKaGame #HeroACT2021 pic.twitter.com/IckD5pCdMK

— Hockey India (@TheHockeyIndia) December 21, 2021

ଏହି ମ୍ୟାଚ ଆରମ୍ଭରୁ ଭାରତ ଉପରେ ଚାପ ସୃଷ୍ଟି କରିଥିଲା ଜାପାନ । ପ୍ରଥମ କ୍ୱାଟରର ପ୍ରଥମ ମିନିଟରେ ଜାପାନ ଗୋଲ ସ୍କୋର କରି ଭାରତକୁ ବ୍ୟାକଫୁଟରେ ରଖିଥିଲା । ପ୍ରଥମ ମିନିଟରେ ଗୋଲ ସ୍କୋର କରିବା ପରେ ଦ୍ୱିତୀୟ ମିନିଟରେ ଆଉ ଏକ ଗୋଲ ସ୍କୋର କରିଥିଲା ଜାପାନ । ଏହି ଗୋଲ ସହ ପ୍ରଥମ କ୍ୱାଟର ଶେଷ ସୁଦ୍ଧା ଜାପାନ ୨-୦ରେ ଆଗୁଆ ରହିଥିଲା । ଦ୍ୱିତୀୟ କ୍ୱାଟର ଆରମ୍ଭରୁ ଭାରତ ଗୋଲ ସ୍କୋର କରି ମ୍ୟାଚରେ କମବ୍ୟାକ କରିଥିଲା । କିନ୍ତୁ ଜାପାନ ଦ୍ୱିତୀୟ କ୍ୱାଟର ଶେଷ ମିନିଟରେ ଆଉ ଏକ ଗୋଲ ସ୍କୋର କରି ୩-୧ରେ ଆଗୁଆ ରହିଥିଲା । ତୃତୀୟ କ୍ୱାଟରରେ ମଧ୍ୟ ଭାରତ ଉପରେ ଭାରି ପଡ଼ିଲା ଜାପାନ ।  ତୃତୀୟ କ୍ୱାଟରରେ ଦୁଇଟି ଗୋଲ ସ୍କୋର କରି ଭାରତକୁ ଏହି ମ୍ୟାଚରେ ବ୍ୟାକଫୁଟକୁ ଠେଲି ଦେଇଥିଲା । ତୃତୀୟ କ୍ୱାଟର ଶେଷ ସୁଦ୍ଧା  ଭାରତ ୫-୧ରେ ପଛରେ ରହିଥିଲା ।  ଚତୁର୍ଥ କ୍ୱାଟରରେ ଶେଷ ଭାରତ ଯଦିଓ ଦୁଇଟି ଗୋଲ ସ୍କୋର କରିଥିଲା କିନ୍ତୁ ଏହି ମ୍ୟାଚକୁ ଜିତିବାରେ ସଫଳ ହୋଇନଥିଲା । ଯାହା ଫଳରେ ଏହି ମ୍ୟାଚରେ ଭାରତ ୫-୩ରେ ପରାଜିତ ହୋଇଥିଲା ।

A close encounter but not the result we wanted!

A look at Team 🇮🇳's Semi-Final clash of the Hero Men’s Champions Trophy Dhaka 2021 in pictures. 📸 #IndiaKaGame #HeroACT2021 pic.twitter.com/rdTg9Sz1Jh

— Hockey India (@TheHockeyIndia) December 21, 2021

ଦ୍ୱିତୀୟ ସେମିଫାଇନାଲରେ ଭାରତକୁ ୫-୩ରେ ପରାସ୍ତ କରି ଦ୍ୱିତୀୟ ଦଳ ଭାବରେ ଫାଇନାଲ ଟିକେଟ ହାସଲ କରିଛି ଜାପାନ । ଏହା ପୂର୍ବରୁ ଆଜି ପ୍ରଥମ ସେମିଫାଇନାଲରେ ପାକିସ୍ତାନକୁ ୬-୫ରେ ପରାସ୍ତ କରି ପ୍ରଥମ ଦଳ ଭାବରେ ଏସିଆନ ଚମ୍ପିଆନ୍ସ ଟ୍ରଫି ହକି ଫାଇନାଲରେ ନିଜ ସ୍ଥାନ ପକ୍କା କରିଛି । ଆସନ୍ତା ଡିସେମ୍ବର ୨୨ରେ ଏସିଆର ବସ୍ ପାଇଁ ସାଉଥ କୋରଆ ଓ ଜାପାନ ମୁହାଁମୁହିଁ ହେବେ । ସେହିପରି ତୃତୀୟ ସ୍ଥାନ ପାଇଁ ଡିସେମ୍ବର ୨୨ରେ ମୁହାଁମୁହିଁ ହେବେ ଭାରତ- ପାକିସ୍ତାନ ।