ଆଜି ଏସିଆ କପରେ ମୁହାଁମୁହିଁ ହେବେ ପାରମ୍ପରିକ ପ୍ରତିଦ୍ବନ୍ଦ୍ବୀ ଭାରତ-ପାକିସ୍ତାନ

ଆବୁଧାବି: ପୁଣି ସନଡେ’ରେ ସୁପର ଫାଇଟ । ଆଜି ଏସିଆ କପରେ ହାଇଭୋଲଟେଜ୍ ମ୍ୟାଚ । ପୁଣି ମୁହାଁମୁହିଁ ହେବେ ପାରମ୍ପରିକ ପ୍ରତିଦ୍ବନ୍ଦ୍ବୀ ଭାରତ ଓ ପାକିସ୍ତାନ । ସନ୍ଧ୍ୟା ସାଢେ ୭ଟାରେ ସୁପର-୪ ପର୍ଯ୍ୟାୟର ମୁକାବିଲାରେ ପାକିସ୍ତାନକୁ ଭେଟିବ ଭାରତ । ଲିଗ ମ୍ୟାଚରେ ରୋମାଞ୍ଚକର ସ୍ଥିତିରେ ପାକିସ୍ତାନକୁ ହରାଇଥିଲା ମେନ ଇନ ବ୍ଲୁ । ପରେ ହଂକଂକୁ ଶେଷ ଲିଗ୍ ମ୍ୟାଚରେ ଶୋଚନୀୟ ଭାବେ ପରାସ୍ତ କରିଥିଲା ।

ଭାରତ ଗ୍ରୁପ୍ ପର୍ଯ୍ୟାୟରେ ସମସ୍ତ ଦୁଇଟି ଯାକ ମ୍ୟାଚ୍ ଜିତି ଅପରାଜେୟ ସହ ସୁପର-୪ରେ ପହଞ୍ଚିଛି ।  ଆଜି ଭାରତ ଏବଂ ପାକିସ୍ତାନ ମଧ୍ୟରେ ଆଉ ଏକ ହାଇଭୋଲଟେଜ୍ ମୁକାବିଲା ହେବ  । ମ୍ୟାଚ ଉପରେ କ୍ରିକେଟ ପ୍ରେମୀଙ୍କ ନଜର ରହିଥିବା ବେଳେ ଟିମ ଇଣ୍ଡିଆକୁ ଲାଗିଛି ଝଟକା ।

ଲିଗ ମ୍ୟାଚରେ ଭାରତର ବିଜୟରେ ପ୍ରମୁଖ ଭୂମିକା ନେଇଥିବା ଅଲରାଉଣ୍ଡର ରବୀନ୍ଦ୍ର ଜାଡେଜା ଟୁର୍ଣ୍ଣାମେଣ୍ଟରୁ ବାଦ ପଡ଼ିଛନ୍ତି । ଆଣ୍ଠୁରେ ଆଘାତ କାରଣରୁ ସେ ଏସିଆ କପର ଅବଶିଷ୍ଟ ମ୍ୟାଚ୍ରୁ ବାଦ ପଡିଛନ୍ତି । ତାଙ୍କ ସ୍ଥାନରେ ଅଲରାଉଣ୍ଡର ଅକ୍ଷର ପଟେଲଙ୍କୁ ସ୍ଥାନ ମିଳିଛି  ।