ଭିଜିଲାନ୍ସ ଜାଲରେ ASI, ଏକକାଳୀନ ୬ଟି ସ୍ଥାନରେ ଚାଲିଛି ଚଢ଼ାଉ

ଭୁବନେଶ୍ୱର: ଭିଜିଲାନ୍ସ ଜାଲରେ ଓଡ଼ିଶା ମୋଟର ଭେଇକିଲ ଡିପାର୍ଟମେଣ୍ଟର ଏଏସଆଇ । ଏଏସଆଇ ହରେକୃଷ୍ଣ ନାୟକଙ୍କ ବାସଭବନରେ ଚଢ଼ାଉ କରୁଛି ଭିଜିଲାନ୍ସ । ଏକକାଳୀନ ୬ଟି ସ୍ଥାନରେ ଚାଲିଛି ଚଢାଉ । କଟକ, ପୁରୀ, ଝାରସୁଗୁଡା ଓ ଗଞ୍ଜାମ ଜିଲ୍ଲାରେ ଚଢ଼ାଉ ଜାରି ରଖିଛି ଭିଜିଲାନ୍ସ । ଚଢ଼ାଉ ବେଳେ ୪ ଲକ୍ଷ ୪୬ ହଜାର ଟଙ୍କା ଜବତ ହୋଇଛି । ଭିଜିଲାନ୍ସର ଏହି ରେଡରେ ୩ ଜଣ ଡିଏସପି, ୧୦ ଇନ୍ସପେକ୍ଟର ଓ ଅନ୍ୟ ଅଫିସର ସାମିଲ ହୋଇଛନ୍ତି ।

କଟକ ଫ୍ରେଣ୍ଡସ କଲୋନୀରେ ଦୁଇ ମହଲା କୋଠା ଓ ପୁରୀ କୃଷ୍ଣପ୍ରସାଦ ମାଲୁଦାରେ ନିର୍ମାଣାଧୀନ ୨ ମହଲା କୋଠା ଠାବ ହୋଇଛି । ସେହିପରି ଝାରସୁଗୁଡା OMVD/RTO ଅଫିସ ଓ ବିଜୁ ନଗର ଭଡା ଘରେ ମଧ୍ୟ ଚଢାଉ କରିଛି ଭିଜିଲାନ୍ସ । ଅନ୍ୟପକ୍ଷରେ ଗଞ୍ଜାମ ଲାଞ୍ଜିପାଲିର ସଂପର୍କୀୟଙ୍କ ଘରେ ଓ ବ୍ରହ୍ମପୁର ରାମନଗରରେ ଥିବା ଏକ ଘରେ ରେଡ ଚାଲିଛି ।