ଏକାମ୍ର କ୍ଷେତ୍ରରୁ ମିଳିଲା ଆଉ ଏକ ମନ୍ଦିରର ମୂଳଦୁଆ, ମିଳିପାରେ ଛୋଟ ଛୋଟ ଅନେକ ମନ୍ଦିର

ଭୁବନେଶ୍ୱର:ଏକାମ୍ର କ୍ଷେତ୍ରରେ ମିଳିଲା ଏକ ମନ୍ଦିର। ମାଟି ଖୋଳା ହେବା ସମୟରେ ଏହି ମନ୍ଦିରକୁ ଉଦ୍ଧାର କରାଯାଇଛି। ଶୁକଶାରୀ ମନ୍ଦିର ପାର୍ଶ୍ୱରୁ ଏକ ମନ୍ଦିରର ଭଗ୍ନା ବଶେଷ ମିଳିଛି। ଏଏସ୍ଆଇ ପକ୍ଷରୁ ଏହାର ଖନନ କାର୍ଯ୍ୟ ଚାଲିଛି। ଏଠାରେ ଅନେକ ଐତିହାସିକ ଓ ପୂରାତନ ମନ୍ଦିର ଥିବା ଅନୁମାନ କରାଯାଇ ଗତ ଜାନୁଆରୀରୁ ଖନନ କାର୍ଯ୍ୟ ଚାଲିଥିଲା। ପାଣିପାଗ କାରଣରୁ କିଛିଦିନ ପାଇଁ ଖନନ କାର୍ଯ୍ୟ ବନ୍ଦ ଥିଲା। ହେଲେ ବତ୍ତର୍ମାନ ପୁଣି ଥରେ ଖନନ କାର୍ଯ୍ୟ ଆରମ୍ଭ ହୋଇଛି। ଦୁଇ ଦିନର ଏହି ଖନନରେ ଗୋଟିଏ ମନ୍ଦିରର ମୂଳଦୁଆ ଚିହ୍ନଟ କରାଯାଇଛି।

ତେବେ ଏହି ମନ୍ଦିର କେତେ ବର୍ଷ ତଳର ଏବଂ ଏଠାରେ ଆହୁରି କେତେ ମନ୍ଦିର ରହିଛି ତାହା କୁହାଯାଇ ନାହିଁ। ଆଗକୁ ଆହୁରି ମନ୍ଦିର ମିଳିପାରେ ବୋଲି ଅନୁମାନ କରିଛନ୍ତି ASI ଅଧିକାରୀ। ସେ କହିଛନ୍ତି ଲିଙ୍ଗରାଜ ମନ୍ଦିର ଭିତରେ ଯେମିତି ଛୋଟ ଛୋଟ ମନ୍ଦିର ରହିଛି ସେମିତି ମନ୍ଦିର ମାନଙ୍କର ଗୋଟିଏ ବଡ କମ୍ପ୍ଲେକ୍ସ ମିଳିପାରେ।  ଆଗକୁ ପାଗ ଭଲ ରହିଲେ ଖନନ କାର୍ଯ୍ୟ ଏମିତି ଚାଲୁ ରହିବ। ଏହି ଖନନ କାର୍ଯ୍ୟ ବିନ୍ଦୁ ସାଗରରୁ ୩ ଶହ ମିଟର ପର୍ଯ୍ୟନ୍ତ ଚାଲୁ ରହିବ। ମନ୍ଦିର ମାଳିନି ଭୁବନେଶ୍ୱରରେ ରହିଛି ଅନେକ ମନ୍ଦିର। ଅନେକ ମନ୍ଦିର ମାଟି ତଳେ ପୋତି ହୋଇ ରହିଥିବା ମଧ୍ୟ ବିଶ୍ୱାସ କରାଯାଉଛି।