MKCG ମେଡିକାଲ ପାଖରୁ ପୋଲିସ ASIଙ୍କ ମୃତ ଦେହ ଉଦ୍ଧାର
ବ୍ରହ୍ମପୁର: ଏମ୍କେସିଜି ମେଡିକାଲ ନିକଟ ହନୁମାନ ମନ୍ଦିର ନିକଟରୁ ପୋଲିସ ଏଏସଆଇଙ୍କ ମୃତ ଦେହ ଉଦ୍ଧାର । ମୃତକ ହେଲେ କେ.ନୂଆଗାଁ ଥାନା ଅନ୍ତର୍ଗତ ରାମଚନ୍ଦ୍ରପୁର ଗାଁର ସୀମାଞ୍ଚଳ ପଣ୍ଡା । ସେ ବ୍ରହ୍ମପୁର ଅନନ୍ତ ନଗରରେ ରହିଆସୁଥିଲେ । ବ୍ରହ୍ମପୁର ଏସ୍ପି କାର୍ଯ୍ୟାଳୟରେ ୱାରଲେସ ଏଏସ୍ଆଇ ଭାବେ କାର୍ଯ୍ୟରତ ଥିଲେ ସୀମାଞ୍ଚଳ ପଣ୍ଡା । ଆଜି ଅପରାହ୍ନରେ ତାଙ୍କ ମୃତ ଦେହ ଏମକେସିଜି ମେଡିକାଲ ମୁଖ୍ୟ ଫାଟକ ସ୍ଥିତ ହନୁମାନ ମନ୍ଦିର ନିକଟରେ ଦେଖିବାକୁ ମିଳିଥିଲା ।
ଖବର ପାଇ ଘଟଣା ସ୍ଥଳେ ହସ୍ପିଟାଲ ଫାଣ୍ଡି ପୋଲିସ ପହଞ୍ଚି ତଦନ୍ତ କରିଥିଲେ । ତାଙ୍କ ପକେଟ୍ରୁ ଏକ ଫୋନ୍ ନମ୍ବର ଲେଖାଥିବା ଗୋଟିଏ କାଗଜ ଉଦ୍ଧାର କରାଯାଇଛି । ପରିବାର ଲୋକ ମେଡିକାଲ ଫାଣ୍ଡିରେ ପହଞ୍ଚି ଶବ ଚିହ୍ନଟ କରିଛନ୍ତି । ସୀମାଞ୍ଚଳଙ୍କ ମୃତ୍ୟୁ କେଉଁ କାରଣରୁ ହୋଇଛି କିଛି ସ୍ପଷ୍ଟ ହୋଇନଥିବା ବେଳେ ଶବ ବ୍ୟବଚ୍ଛେଦ ରିପୋର୍ଟ ଆସିବା ପରେ ମୃତ୍ୟୁର ପ୍ରକୃତ କାରଣ ପଦାକୁ ଆସିବ ବୋଲି ପୋଲିସ ସୂଚନା ଦେଇଛି ।
