ଅଶ୍ବିନୀଙ୍କ ଶହେତମ ଟେଷ୍ଟ ମ୍ୟାଚ, ରଚିଲେ ଏହି ରେକର୍ଡ

ଧର୍ମଶାଳା: ଇଂଲଣ୍ଡ ବିପକ୍ଷ ଅନ୍ତିମ ଟେଷ୍ଟ ମ୍ୟାଚ ଖେଳୁଛି ଭାରତ । ପ୍ରଥମେ ବ୍ୟାଟିଂ କରୁଛି ଇଂଲଣ୍ଡ । ଧର୍ମଶାଳାରେ ଖେଳାଯାଉଥିବା ଏହି ମ୍ୟାଚଟି ଅଶ୍ବିନୀଙ୍କ ୧୦୦ତମ ଟେଷ୍ଟ ମ୍ୟାଚ୍ । ୧୪ତମ ଭାରତୀୟ ଖେଳାଳିଭାବେ ସେ ଏହି ରେକର୍ଡ ଅର୍ଜନ କରିବାକୁ ଯାଉଛନ୍ତି । ସେପଟେ ୧୦୦ ଟେଷ୍ଟ ଖେଳିବା ମାମଲାରେ ଇଂଲଣ୍ଡର ୧୭ ଜଣ ଖେଳାଳି ରହିଥିବାବେଳେ ଅଷ୍ଟ୍ରେଲିଆର ୧୫ଜଣ ଖେଳାଳି ରହିଛନ୍ତି । ୨୦୧୧ମସିହାରେ ଅଶ୍ବିନୀଙ୍କ ଟେଷ୍ଟ ଡେବ୍ୟୁ ହୋଇଥିଲା । ଓ୍ବେଷ୍ଟ ଇଣ୍ଡିଜ୍ ବିପକ୍ଷରେ ସେ ଟେଷ୍ଟ ଡେବ୍ୟୁ କରିଥିବାବେଳେ ସଚିନଙ୍କ ତାଙ୍କୁ କ୍ୟାପ ଦେଇଥିଲେ । ଅଶ୍ବିନୀ ନିଜର ଡେବ୍ୟୁ ମ୍ୟାଚରେ ୯ ଓ୍ବିକେଟ ଅକ୍ତିଆର କରିଥିବାବେଳେ ଫ୍ଲେୟାର ଅଫ ଦ ମ୍ୟାଚ ହୋଇଥିଲେ । ତେବେ ଶହେତମ ମ୍ୟାଚରେ ଏଭଳି କିଛି ପ୍ରଦର୍ଶନ କରିବେ ବୋଲି ଆଶା ରଖାଯାଇଛି । ତାମିଲନାଡୁର ପ୍ରଥମ ଖେଳାଳିଭାବେ ଶହେ ଟେଷ୍ଟ ମ୍ୟାଚ ଖେଳିବାର ରେକର୍ଡ କରିଛନ୍ତି । ୨୦୧୭ ମସିହାରେ ଧର୍ମଶାଳାରେ ଅଷ୍ଟ୍ରେଲିଆ ବିପକ୍ଷ ଟେଷ୍ଟରେ ୪ ଓ୍ବିକେଟ ଅକ୍ତିଆର କରିଥିଲେ ଅଶ୍ବିନୀ । ଏଣୁ ଆଜିର ମ୍ୟାଚରେ ମଧ୍ୟ ଇଂଲଣ୍ଡ ବିପକ୍ଷରେ ଚମତ୍କାର ପ୍ରଦର୍ଶନ କରିପାରନ୍ତି ।