ପୁଣି ଚର୍ଚ୍ଚାରେ ପାଇଲଟ୍-ଗେହଲଟଙ୍କ କଳି

ଜୟପୁର: ସଚିନ ପାଇଲଟ ଓ ଅଶୋକ ଗେହଲଟଙ୍କ କଳି ପୁଣିଥରେ ପଦାରେ ପଡ଼ିଛି । ରାଜସ୍ଥାନର ପୂର୍ବତନ ଡେପୁଟି ମୁଖ୍ୟମନ୍ତ୍ରୀ ସଚିନ ପାଇଲଟ୍ ମୁଖ୍ୟମନ୍ତ୍ରୀ ଅଶୋକ ଗେହଲଟଙ୍କ ଉପରେ ବାକ୍ ଆକ୍ରମଣ କରିଛନ୍ତି । ସୋମବାର ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଗେହଲଟଙ୍କ ଯେଉଁ ଭଳି ପ୍ରଶଂସା କରିଥିଲେ ତାକୁ ନେଇ ପାଇଲଟ୍ କହିଛନ୍ତି, ମୋଦି ପୂର୍ବରୁ ଗୁଲାମ ନବୀ ଆଜାଦଙ୍କ ମଧ୍ୟ ଏହିଭଳି ପ୍ରଶଂସା କରିଥିଲେ, ପରେ ଯାହା ହୋଇଥିଲା ତାହା ସମସ୍ତେ ଜାଣିଛନ୍ତି ।

ତେଣୁ ଘଟଣାକୁ ଗୁରୁତର ସହ ନେବା ଆବଶ୍ୟକ । ଅନ୍ୟପକ୍ଷରେ ପାଇଲଟଙ୍କ ବୟାନର ଜବାବ ଦେଇ ଗେହଲଟ୍ ପରାମର୍ଶ ଦେଇ କହିଛନ୍ତି ପାଇଲଟଙ୍କୁ ଏପରି ବୟାନବାଜୀ ନକରିବା ଆବଶ୍ୟକ । ଏପଟେ କଂଗ୍ରେସର ବରିଷ୍ଠ ନେତାମାନେ ସଚିନଙ୍କୁ ଏପରି ବୟାନବାଜିରୁ ନିରବୃତ ରହିବା ପାଇଁ ପରାମର୍ଶ କହିଛନ୍ତି । ଦଳର ଅନୁଶାସନକୁ ପାଳନ କରିବା ପାଇଁ କୁହାଯାଇଛି ।