ନୂଆଦିଲ୍ଲୀ : ଶାହରୁଖଙ୍କ ପୁଅ ଆର୍ୟନ ଖାନ ବଲିଉଡରେ  ଡେବ୍ୟୁ  ପାଇଁ ପ୍ରସ୍ତୁତ। ଅନ୍ୟ ସମସ୍ତ ଷ୍ଟାର କିଡ୍ସଙ୍କ ପରି, ଆର୍ୟନ ଖାନ ଅଭିନୟ ବଦଳରେ ନିର୍ଦ୍ଦେଶନା ଜଗତରେ ପ୍ରବେଶ କରିବାକୁ ଯାଉଛନ୍ତି। ନେଟଫ୍ଲିକ୍ସ ଇଣ୍ଡିଆ ନିକଟରେ ତାଙ୍କର ନିର୍ଦ୍ଦେଶିତ ପ୍ରଥମ ସିରିଜ୍ ‘ଦି ବ୍ୟାଡ୍ସ ଅଫ୍ ବଲିଉଡ୍’ର ଟିଜର ରିଲିଜ୍ କରିଛି। ଏଥିରେ ଶାହରୁଖ ଖାନ ତାଙ୍କ ପୁଅର ଧାରାବାହିକର ପ୍ରଚାର କରୁଥିବାର ଦେଖିବାକୁ ମିଳିଛି । ଆର୍ୟନଙ୍କ ବଲିଉଡ ଡେବ୍ୟୁ ପୂର୍ବରୁ, ତାଙ୍କ ତଥାକଥିତ ପ୍ରେମିକା ଏକ ପୋଷ୍ଟ ସେୟାର କରି ତାଙ୍କୁ  ଶୁଭେଚ୍ଛା ଜଣାଇଛନ୍ତି।

ଆର୍ୟନ ଖାନ ଙ୍କ ତଥାକଥିତ ପ୍ରେମିକା ଲାରିସା ବୋନେସି ତାଙ୍କ ଇନଷ୍ଟାଗ୍ରାମ ଷ୍ଟୋରୀରେ ତାଙ୍କ ଆଗାମୀ ଧାରାବାହିକ ‘ଦି ବ୍ୟାଡ୍ସ ଅଫ୍ ବଲିଉଡ’ର ଟିଜର ସେୟାର କରିଛନ୍ତି। ସେ ତାଙ୍କ ପୋଷ୍ଟରେ ଲେଖିଛନ୍ତି, ଏହି ଟିଜରଟିକମାଲ କରିବ ଏବଂ ବିଶ୍ୱର ସବୁଠାରୁ ପ୍ରତୀକ୍ଷିତ ସିରିଜର ଟିଜର ରିଲିଜ୍ ହୋଇଛି।  ଆରୟନ ଖାନ ହେଉଛନ୍ତି ନମ୍ବର ୱାନ୍ ଏବଂ ଜଣେ ପ୍ରତିଭାଶାଳୀ ବ୍ୟକ୍ତି । ଏହା କହି ସେ ଆର୍ୟନ ଖାନ ଉତ୍ସାହିତ କରିଛନ୍ତି।

ଶୋ’ର ଟିଜରରେ, ଆର୍ୟନ ଖାନ ତାଙ୍କ ପିତାଙ୍କୁ ନିର୍ଦ୍ଦେଶନା ଦେଉଥିବାର ଦେଖିବାକୁ ମିଳୁଛି। ସେ ପରଦା ସାମ୍ନାକୁ ନ ଆସି ପରଦା ପଛରୁ ଶାହରୁଖ ଖାନଙ୍କୁ ନିର୍ଦ୍ଦେଶ ଦେଉଥିବା ଦେଖିବାକୁ ମିଳିଛି । ସେ କିଙ୍ଗ ଖାନଙ୍କୁ କହୁଥିବା ଶୁଣାଯାଉଛି, ‘ଆମେ ଆଉ ଗୋଟିଏ ସଟ ନାଇପାରିବା କି ସାର୍?’ “ଏଥର ଆଉ ଟିକିଏ ଅଧିକ ଭାବପ୍ରବଣତା ସହିତ”, ।’ଏହା ମୋତେ ଶ୍ରୀ ବଚ୍ଚନଙ୍କ କଥା ମନେ ପକାଇଦେଲା।’ ଆସ, ଆମେ ଆଉ କିଛି ଚେଷ୍ଟା କରିପାରିବା କି?” ଶାହରୁଖଙ୍କ ସିଗ୍ନେଚର ଷ୍ଟେପକୁ ନେଇ ମଧ୍ୟ ଆରୟନ କହିଛନ୍ତି ମୁଁ ଆପଣଙ୍କୁ ସବୁ ପିଲ୍ମରେ ଏହି ଷ୍ଟେପ କରିଥିବାର ଦେଖିଛି, ତ ଆମେ ସେହି ଷ୍ଟେପ କୁ ଏବେ କରିପାରିବା କି ?

ପୁଅର ବାରମ୍ବାର ନିର୍ଦ୍ଦେଶରେ ଶାହରୁଖ ଖାନ ଚିଡିଯାଉଥିଲେ। ସେ ଆର୍ୟନ ଖାନଙ୍କୁ ବିରକ୍ତିଭାବରେ ଦେଖୁଥିଲେ । ଆରୟନ ଖାନଙ୍କ କପ୍ କମିଙ୍ଗ ଶୋ’ର ଟିଜର ସୋସିଆଲ ମିଡିଆରେ ଜବରଦସ୍ତ ପ୍ରତିକ୍ରିୟା ପାଉଛି। ଶୋ’ର ଟିଜରରୁ, ପ୍ରଶଂସକମାନେ ଅନୁମାନ କରୁଛନ୍ତି ଯେ ଏଥିରେ ପିତା-ପୁତ୍ରଙ୍କ ଯୋଡ଼ିର ଏକ ଚମତ୍କାର ଜୁଗଲବନ୍ଦୀ ଦେଖାଯିବ।