‘ମନ୍ନତ’ରେ ଖୁସି, ଦିନ ୧୨ଟା ସୁଦ୍ଧା ଜେଲରୁ ବାହାରିବେ ଆର୍ୟନ

ମୁମ୍ବାଇ: ହସୁଛି ‘ମନ୍ନତ’, ଆସିବେ ଆର୍ୟନ । ବଲିଉଡ୍ ଅଭିନେତା ଶାହରୁଖ ଖାନଙ୍କ ଲାଗି ଆଜି ଖୁସିର ଦିନ । ଆଜି ଜେଲରୁ ବାହାରିବେ ଆର୍ୟନ ଖାନ । ଆର୍ୟନଙ୍କ ବେଲ୍ ଅର୍ଡର ମିଳିଥିବା ନେଇ ଆର୍ଥନ ରୋଡ୍ ଜେଲ୍ କର୍ତ୍ତୃପକ୍ଷ ସୂଚନା ଦେଇଛନ୍ତି । ଅନ୍ୟ କଏଦୀଙ୍କ ସହ ଏକ ସଙ୍ଗରେ ଆର୍ୟନଙ୍କୁ ଛଡ଼ାଯିବ ବୋଲି କହିଛନ୍ତି ଆର୍ଥର ରୋଡ୍ ଜେଲ୍ ଅଧୀକ୍ଷକ । ୧୦ରୁ ୧୨ଟା ମଧ୍ୟରେ ଜେଲରୁ ମୁକୁଳିବେ ଆର୍ୟନ । ଆର୍ୟନଙ୍କୁ ଆଣିବା ଲାଗି ‘ମନ୍ନତ’ରୁ ଶାହରୁଖ ଖାନ ଜେଲ୍ ଅଭିମୁଖେ ବାହାରି ଯାଇଛନ୍ତି ।

उसके साथ बाकी जितने कैदियों के बेल ऑर्डर आए हैं, उनके साथ उसे छोड़ा जाएगा। 10-12 बजे तक छूट जाएगा। रिहाई के आदेश मिल गए हैं, प्रकिया चल रही है: आर्यन खान की रिहाई पर नितिन वायचल, अधीक्षक, आर्थर रोड जेल pic.twitter.com/xQ5W9mGAQh

— ANI_HindiNews (@AHindinews) October 30, 2021

ଆର୍ୟନଙ୍କୁ ଛାଡ଼ିବା ଲାଗି ଜେଲରେ ପ୍ରକ୍ରିୟା ଜାରି ରହିଛି । ଆର୍ୟନଙ୍କୁ ଏନେଇ ଜେଲ୍ କର୍ତ୍ତୃପକ୍ଷ ଜଣାଇଛନ୍ତି । ଆର୍ୟନ ଜାମିନ୍ ପାଇ ଖୁସଥିବା ବେଳେ ଜେଲରେ ଅନ୍ୟ ଅନ୍ତେବାସୀଙ୍କ ସହ କଥା ହେଉଥିବା ଜେଲ୍ ପକ୍ଷରୁ କୁହାଯାଇଛି । ସକାଳ ୫ଟା ୩୦ରେ ଆର୍ଥର ରୋଡର ବେଲ୍ ବକ୍ସ ଖୋଲା ଯାଇଥିଲା । ଶୁକ୍ରବାର ଶାହରୁଖଙ୍କ ବାନ୍ଧବୀ ଜୁହି ଚାୱଲା ଆର୍ୟନଙ୍କ ଜାମିନ୍ ପ୍ରକ୍ରିୟା ପୂରା କରିଥିଲେ । ଆର୍ୟନଙ୍କୁ ୧ ଲକ୍ଷ ଟଙ୍କା ବ୍ୟକ୍ତିଗତ ମୁଚାଲିକାରେ କୋର୍ଟ ସର୍ତ୍ତମୂଳକ ଜାମିନ୍ ପ୍ରଦାନ କରିଛନ୍ତି ।

ଏଥିସହ ପଢ଼ନ୍ତୁ: ଆଜି ‘ମନ୍ନତ’କୁ ଫେରିବେ ଆର୍ୟନ ଖାନ, ସକାଳ ୫ଟା ୩୦ରେ ଖୋଲିଲା ଜେଲ୍ ବେଲ୍ ବକ୍ସ

ଆର୍ୟନଙ୍କ ସହିତ ତିନି ଜଣ ଅଭିଯୁକ୍ତଙ୍କୁ ବମ୍ବେ ହାଇକୋର୍ଟ ଗୁରୁବାର ଜାମିନ୍ ପ୍ରଦାନ କରିଥିଲେ । ଶୁକ୍ରବାର କୋର୍ଟ ବେଲ୍ ଅର୍ଡର ଜାରି କରିଥିଲେ । ଏହା ପରେ ବି ଜେଲରୁ ବାହାରି ପାରି ନଥିଲେ ଆର୍ୟନ । ଆର୍ଥର ରୋଡ୍ ଜେଲରେ ଅପରାହ୍ଣ ୫ଟା ସୁଦ୍ଧା ବେଲ୍ ଅର୍ଡର ପହଞ୍ଚି ନପାରିବାରୁ ଆର୍ୟନ ଜେଲରେ ରହିଥିଲେ ।

ଏଥିସହ ପଢ଼ନ୍ତୁ: ଆର୍ୟନ ଖାନଙ୍କ ପାଇଁ ହାଇକୋର୍ଟଙ୍କ ୧୪ ସର୍ତ୍ତ, ଉଲ୍ଲଂଘନ କଲେ ରଦ୍ଦ ହେବ ଜାମିନ୍