NCB ଆଗରେ ଆର୍ୟନଙ୍କ ଖୁଲାସା, ବାପାଙ୍କୁ ଭେଟିବା ପାଇଁ ନେବାକୁ ପଡୁଥିଲା Appointment

ବଲିଉଡର କିଙ୍ଗ ଖାନ୍ ଶାହାରୁଖ ଦଶନ୍ଧି ଧରି ତାଙ୍କ ପ୍ରଶଂସକଙ୍କୁ ମନୋରଞ୍ଜନ କରିଆସୁଛନ୍ତି । ଏଥିପାଇଁ ଶାହାରୁଖ ତାଙ୍କ କାର୍ଯ୍ୟରେ ସବୁବେଳେ ବ୍ୟସ୍ତ ରୁହନ୍ତି । ଅଭିନୟ, ପ୍ରଡକ୍ସନ ବ୍ୟତୀତ, ଆହୁରି ଅନେକ କାର୍ଯ୍ୟ ଅଛି ଯେଉଁଥିରେ କିଙ୍ଗ ଖାନ ବ୍ୟସ୍ତ ରୁହନ୍ତି ।

ଆଜିକାଲି ଶାହାରୁଖ ଖାନ ଏକାସାଙ୍ଗରେ ୩ଟି ଫିଲ୍ମର ସୁଟିଂ କରୁଛନ୍ତି । ଯେଉଁଥିପାଇଁ ତାଙ୍କ Work Schedule ବହୁତ ଟାଇଟ ରହିଛି  ପରିବାରକୁ ମଧ୍ୟ ଖୁବ କମ ସମୟ ଦେଉଛନ୍ତି । ଏମିତିକି ପିଲାମାନେ ବାପା ଶାହରୁଖଙ୍କୁ ଭେଟିବା ପାଇଁ ମଧ୍ୟ appointment ନେଇଥାଆନ୍ତି । ଏହାର ଖୁଲାସା କରିଛନ୍ତି ଖୋଦ ଶାହରୁଖଙ୍କ ପୁଅ ଆର୍ଯନ ।

ଆର୍ୟନ କହିଛନ୍ତି କେତେ ବ୍ୟସ୍ତ ରୁହନ୍ତି ବାପା ଶାହରୁଖ-

ପଚରାଉଚୁରାରେ ତାଙ୍କ ପିତାଙ୍କ ବ୍ୟସ୍ତବହୁଳ କାର୍ଯ୍ୟ ବିଷୟରେ ଆର୍ଯ୍ୟନ ଏନସିବିକୁ ସୂଚନା ଦେଇଛନ୍ତି । ସୂଚନାନୁସାରେ, ଆର୍ଯ୍ୟନ୍ ଖାନ୍ ଏନସିବିକୁ କହିଥିଲେ ଯେ ତାଙ୍କ ବାପା ଏବେ ଏକା ସଙ୍ଗରେ ତିନ ତିନୋଟି ପ୍ରୋଜେକ୍ଟରେ କାମ କରୁଛନ୍ତି । ସେ ତାଙ୍କର ଆଗାମୀ ଚଳଚ୍ଚିତ୍ର ପଠାନ ପାଇଁ ବହୁତ କଠିନ ପରିଶ୍ରମ କରୁଛନ୍ତି । ପଠାନରେ ତାଙ୍କର ଭୂମିକା ପାଇଁ ଶାହାରୁଖ ଖାନଙ୍କୁ ଅନେକ ଘଣ୍ଟା ମେକ୍ ଅପରେ ରହିବାକୁ ପଡୁଛି ।

ଆର୍ଯ୍ୟନ୍ ଖାନ୍ କହିଛନ୍ତି ଯେ ମୋ ବାପା ଏତେ ବ୍ୟସ୍ତ ରୁହନ୍ତି ଯେ ତାଙ୍କୁ ଲଫେଟିବା ପାଇଁ ପ୍ରଥମେ ତାଙ୍କ ମ୍ୟାନେଜର ପୂଜାଙ୍କ ପାଖରୁ Appointment ନେବାକୁ ପଡେ । ତାପରେ ଯାଇ ବାପାଙ୍କ ସହ ସାକ୍ଷାତ ହୋଇପାରେ ।

ସୂଚନା ଅନୁଯାୟୀ ଡ୍ରଗ୍ସ ମାମଲାରେ ଆର୍ଯ୍ୟନ୍ ଖାନଙ୍କୁ ଏନସିବି ଗିରଫ କରିଛି । ମୁମ୍ବାଇରୁ ଗୋଆକୁ ଯାଉଥିବା ଏହି କ୍ରୁଜରେ ଏନସିବି ବିପୁଳ ପରିମାଣର drugs ଜବତ ହୋଇଛି । ଏନସିବି ଡ୍ରଗ୍ସ ମାମଲାରେ ୧୧ ଜଣଙ୍କୁ ଗିରଫ କରିସାରିଲାଣି ।