ଦିଲ୍ଲୀ ବିଶ୍ୱବିଦ୍ୟାଳୟରେ ଛାତ୍ରଙ୍କୁ ଛୁରୀ ଭୁସି ହତ୍ୟା

ଆଦିଲ୍ଲୀ: ଦିଲ୍ଲୀରୁ ପୁଣିଥରେ ଛୁରୀ ଭୁସି ହତ୍ୟା କରିବା ଘଟଣା ସାମ୍ନାକୁ ଆସିଛି । ଦିଲ୍ଲୀ ୟୁନିଭର୍ସିଟିର ସାଉଥ କ୍ୟାମ୍ପସରେ ଜଣେ ଛାତ୍ରଙ୍କ ଉପରକୁ ଛୁରୀରେ ଲଗାତାର ଆକ୍ରମଣ କରାଯାଇଛି । ଏଥିରେ ୧୯ ବର୍ଷୀୟ ଜଣେ ଛାତ୍ରଜଣଙ୍କର ମୃତ୍ୟୁ ହୋଇଯାଇଛି । ଘଟଣା ଗାର୍ଲଫ୍ରେଣ୍ଡ ସହ ଦୁର୍ବ୍ୟବହାର ସହ ସମ୍ବନ୍ଧିତ ବୋଲି କୁହାଯାଉଛି । ଏହାକୁ ନେଇ ପ୍ରାୟ ୧ ଟା ୩୦ରେ ତାର ଅନ୍ୟ ଛାତ୍ରମାନଙ୍କ ସହ ଝଗଡ଼ା ହୋଇଯାଇଥିଲା ଏବଂ ଏହି ସମୟରେ ତାକୁ ଛୁରୀ ଭୁସି ହତ୍ୟା କରାଯାଇଛି । ମୃତକ ଛାତ୍ରଙ୍କ ନାଁ ନିଖିଲ ବୋଲି କୁହାଯାଉଛି । ପୋଲିସ ଆକ୍ରମଣକାରୀଙ୍କୁ ଖୋଜିବାରେ ଲାଗିଛି । ସୂଚନାନୁଯାୟୀ, ନିଖିଲ ବିଏ (ଅନର୍ସ) ପଲିଟିକାଲ ସାଇନ୍ସ ସ୍କୁଲ ଅଫ ଓପନ ଲର୍ଣ୍ଣିଂର ପ୍ରଥମ ବର୍ଷର ଛାତ୍ର ଥିଲେ ।

ପୋଲିସ ମୁତାବକ ଯେଉଁ ପିଲା ଉପରେ ଆକ୍ରମଣ କରାଯାଇଥିଲା ତାର ନାଁ ନିଖିଲ ଚୌହ୍ୱାନ ଅଟେ । ସେ ବି ବ୍ଲକ ଡି ୭୭୯ ପଶ୍ଚିମ ବିହାରର ଅଧିବାସୀ ଅଟେ । ଚିକିତ୍ସା ସମୟରେ ତାର ମୃତ୍ୟୁ ହୋଇଯାଇଛି । ପୋଲିସ ସୂତ୍ରଙ୍କ ମୁତାବକ ନିଖିଲଙ୍କ ଗାର୍ଲଫ୍ରେଣ୍ଡ ସହ କଲେଜର ଅନ୍ୟ ଛାତ୍ର ୭ ଦିନ ପୂର୍ବେ ଦୁର୍ବ୍ୟବହାର କରିଥିଲେ । ଏହାପରେ ଆଜି ରବିବାର ଅପରାହ୍ନ ପ୍ରାୟ ୧୨ ଟା ୩୦ରେ ଦୁର୍ବ୍ୟବହାର କରିଥିବା ଛାତ୍ରଙ୍କ ସହ କଲେଜ ଗେଟ୍ ବାହାରେ ନିଖିଲର ଭେଟ ହୋଇଥିଲା । ଏହି ସମୟରେ ଉଭୟଙ୍କ ମଧ୍ୟରେ ଯୁକ୍ତିତର୍କ ହୋଇଥିଲା । ଏହାପରେ ଅନ୍ୟ ଛାତ୍ରଜଣଙ୍କ ନିଜ ୩ ସାଥୀଙ୍କ ସହ ନିଖିଲଙ୍କ ଛାତିରେ ଛୁରୀ ଭୁସି ଦେଇଥିଲା । ତାକୁ ଚିକିତ୍ସା ପାଇଁ ନିକଟସ୍ଥ ଚରକ ପାଲିକା ହସ୍ପିଟାଲ ନିଆଯାଇଥିଲା । ସେଠାରେ ଡାକ୍ତର ତାଙ୍କୁ ମୃତ ଘୋଷିତ କରିଛନ୍ତି ।