ନୂଆଦିଲ୍ଲୀ: କେନ୍ଦ୍ର ସରକାରଙ୍କ ଆଗରେ ୭ଟି ଦାବି ରଖିଲେ ଦିଲ୍ଲୀର ପୂର୍ବତନ ମୁଖ୍ୟମନ୍ତ୍ରୀ ତଥା ଆପ୍ ସୁପ୍ରିମୋ ଅରବିନ୍ଦ କେଜରିୱାଲ । ସେ କହିଛନ୍ତି ଆସନ୍ତା ସାଧାରଣ ବଜେଟ ମଧ୍ୟବିତ୍ତଙ୍କ ପାଇଁ ହେଉ। ସେମାନେ ପେଶି ହେଉଛନ୍ତି। ଗରିବ ଲୋକଙ୍କ ପରି ସେମାନେ ଭୋଟ୍ ବ୍ୟାଙ୍କ ନୁହନ୍ତି କି ଧନୀ ଲୋକଙ୍କ ପାଇଁ ସେମାନେ ନୋଟ୍ ବ୍ୟାଙ୍କ ନୁହନ୍ତି। ତେଣୁ ଆସନ୍ତା ବଜେଟରେ ମଧ୍ୟବିତ୍ତଙ୍କ ସ୍ଵାର୍ଥକୁ ଗୁରୁତ୍ଵ ଦିଆଯାଉ ବୋଲି ଦାବି କରିଛନ୍ତି କେଜରିୱାଲ।
ଶିକ୍ଷା ବଜେଟକୁ ୨ରୁ ୧୦ ପ୍ରତିଶତ କରାଯାଉ। ଉଚ୍ଚଶିକ୍ଷା ପାଇଁ ସବସିଡି ଓ ସ୍କଲାରସିପ ଦିଆଯାଉ। ସ୍ଵାସ୍ଥ୍ୟ ବଜେଟକୁ ୧୦ ପ୍ରତିଶତ କରାଯାଉ। ସ୍ଵାସ୍ଥ୍ୟ ବୀମାକୁ ଟ୍ୟାକ୍ସ ଛାଡ଼ କରାଯାଉ। ଆୟକର ଛାଡ଼ ସୀମାକୁ ୧୦ ଲକ୍ଷ କରାଯାଉ। ସମସ୍ତ ଅତ୍ୟାବଶ୍ୟକ ସାମଗ୍ରୀରୁ ଜିଏସଟି ଛାଡ଼୍ କରାଯାଉ। ବରିଷ୍ଠ ନାଗରିକଙ୍କ ପାଇଁ କରାଯାଉ ରିଟାୟାରମେଣ୍ଟ ପ୍ଲାନ ଓ ପେନସନ ପ୍ଲାନ। ସମସ୍ତ ସରକାରୀ ଓ ପ୍ରାଇଭେଟ ହସପିଟାଲରେ ବରିଷ୍ଠ ନାଗରିକଙ୍କୁ ମାଗଣା ଚିକିତ୍ସା ଦିଆଯାଉ । ରେଳ ଯାତ୍ରାରେ ବରିଷ୍ଠ ନାଗରିକଙ୍କୁ ୫୦ ପ୍ରତିଶତ ରିହାତି ଦିଆଯାଉ। ବି
ଜେପିକୁ ଟାର୍ଗେଟ କରି କେଜରିୱାଲ କହିଛନ୍ତି, ଏହି ଦଳ ହିଂସା ଓ ଗୁଣ୍ଡାଗର୍ଦ୍ଦି କରୁଛି। ହାରିବାର ଆଶଙ୍କାରେ ବିଜେପି ଏପରି କରୁଥିବା ଅଭିଯୋଗ କରିଛନ୍ତି କେଜରିୱାଲ। ସେ ଭବିଷ୍ୟବାଣୀ କରିଛନ୍ତି, ଏଥର ବିଜେପି ସବୁଠାରୁ ବଡ଼ ପରାଜୟ ଭୋଗିବ।
