‘ଆମ ଆଦମି ପାର୍ଟିର ସବୁ ନେତାଙ୍କୁ ଜେଲରେ ପୁରାନ୍ତୁ’

ନୂଆଦିଲ୍ଲୀ: କେନ୍ଦ୍ର ସରକାରଙ୍କୁ ଅନୁରୋଧ କଲେ ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିଓ୍ବାଲ। କହିଲେ, ଜଣ ଜଣ କରି ଆମ ଆଦମି ପାର୍ଟିର ସମସ୍ତ ନେତାଙ୍କୁ ଜେଲରେ ପୂରାନ୍ତୁ କେନ୍ଦ୍ର ସରକାର। କିଛି ଦିନ ତଳେ ଦିଲ୍ଲୀ ସ୍ବାସ୍ଥ୍ୟମନ୍ତ୍ରୀ ସତ୍ୟେନ୍ଦ୍ର ଜୈନଙ୍କୁ ପ୍ରବର୍ତ୍ତନ ନିର୍ଦ୍ଦେଶାଳୟ ଗିରଫ କରିଥିବାବେଳେ ଉପମୁଖ୍ୟମନ୍ତ୍ରୀ ମନୀଷ ସିସୋଦିଆଙ୍କ ନାମରେ ବି ମାମଲା ଚାଲିଛି ।

ଏକ ଭିଡିଓ ମେସେଜରେ କେଜ୍ରିଓ୍ବାଲ କହିଛନ୍ତି, ସେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ଅନୁରୋଧ କରୁଛନ୍ତି ଆମ୍ ଆଦମି ପାର୍ଟିର ସମସ୍ତ ନେତାଙ୍କୁ ଜେଲରେ ଭର୍ତ୍ତି କରନ୍ତୁ। ସେ ଆହୁରି କହିଛନ୍ତି ମନୀଷ ସିସୋଦିଆଙ୍କୁ ଗିରଫ କରିବା ଲାଗି କେନ୍ଦ୍ର ସରକାର ସମସ୍ତ ଯୋଜନା କରିଥିବା ନେଇ ସେ ବିଶ୍ବସ୍ତ ସୂତ୍ରରୁ ସୂଚନା ପାଇଛନ୍ତି।

ଗତ ସୋମବାର ହାଓ୍ବାଲା ମାମଲାରେ ସତ୍ୟେନ୍ଦ୍ରଙ୍କୁ ଗିରଫ କରିଥିଲା ପ୍ରବର୍ତ୍ତନ ନିର୍ଦ୍ଦେଶାଳୟ । ମନୀଷ ସିସୋଦିଆଙ୍କ ଶିକ୍ଷା ଯୋଜନାରେ ୧୮ ଲକ୍ଷ ଛାତ୍ରଛାତ୍ରୀ ଉପକୃତ ହେଉଛନ୍ତି ବୋଲି କହିଛନ୍ତି କେଜ୍ରିଓ୍ବାଲ ।