ହରିୟାଣା ନିର୍ବାଚନ ଲାଗି ଅଣ୍ଟା ଭିଡିଲା ଆପ୍, ୧୧ ଜିଲ୍ଲାରେ କେଜ୍ରିୱାଲଙ୍କ କ୍ୟାମ୍ପେନ

ନୂଆଦିଲ୍ଲୀ: ଜେଲରୁ ମୁକୁଳିବା ସହ ଦିଲ୍ଲୀ ମୁଖ୍ଯମନ୍ତ୍ରୀ ପଦରୁ ଇସ୍ତଫା ଦେଇଥିବା ଅରବିନ୍ଦ କେଜରିୱାଲ ହରିୟାଣାରେ କରିବେ ନିର୍ବାଚନ ପ୍ରଚାର। ଆଜି ଯମୁନାନଗର ବିଧାନସଭା ନିର୍ବାଚନ ମଣ୍ଡଳୀ ଅନ୍ତର୍ଗତ ଜାଗଧିରିରେ କରିବେ ରୋଡ ଶୋ। ବାବୱାଲି, ରାନିଆ, ଭିବାନି, ମେହମ, ପୁନ୍ଦରି ଆଦି ସ୍ଥାନରେ ହେବ ରୋଡ ଶୋ।

ଆସନ୍ତା ଦିନରେ ସେ ୧୧ ଜିଲ୍ଲାର ୧୩ଟି କାର୍ଯ୍ୟକ୍ରମରେ ଯୋଗଦେବେ । ଗତ ୧୦ ବର୍ଷ ଧରି ବିଜେପି ହରିୟାଣାରେ ଶାସନ କରୁଛି। ଏହି ନିର୍ବାଚନରେ ବିଜେପିକୁ ଗାଦିଚ୍ଯୁତ କରିବା ଲାଗି ଆପ୍ ଉଦ୍ଯମ କରିବ। ହରିୟାଣାରେ କେଜରିୱାଲଙ୍କ ନିର୍ବାଚନ ପ୍ରଚାର ବେଶ୍ ପ୍ରଭାବ ପକାଇବ ବୋଲି ଆଶା କରାଯାଉଛି। ଆସନ୍ତା ଅକ୍ଟୋବର ୫ରେ ୯୦ ଆସନ ବିଶିଷ୍ଟ ହରିୟାଣାରେ ହେବ ବିଧାନସଭା ନିର୍ବାଚନ। ଅକ୍ଟୋବର ୮ରେ ହେବ ଗଣତି।