ଅରୁଣାଚଳପ୍ରଦେଶ ଇଟାନଗରରେ ଭୟାବହ ଅଗ୍ନିକାଣ୍ଡ

ଇଟାନଗର: ଅରୁଣାଚଳପ୍ରଦେଶ ଇଟାନଗରରେ ଭୟାବହ ଅଗ୍ନିକାଣ୍ଡ। ନଗରଲାଗୁନ ଓ ଇଟାନଗରର ପ୍ରାୟ ୧୩ କିଲୋମିଟର ଅଞ୍ଚଳରେ ଥିବା ଡେଲି ମାର୍କେଟରେ ନିଆଁ ଲାଗି ପ୍ରାୟ ୭ଶହ ଦୋକାନ ଜଳିଯାଇଛି। ଆଜି ଭୋରରୁ ପ୍ରାୟ ଦୁଇଟି ଦୋକାନରେ ନିଆଁ ଲାଗିଯାଇଥିଲା ।

ଏହାପରେ ନିଆଁ ଅନ୍ୟ ଦୋକାନକୁ ବ୍ୟାପିଥିଲା । ଭୋରରୁ ନିଆଁ ଲାଗିଥିବାରୁ କେହି ମୃତାହତ ହୋଇଥିବାର ସୂଚନା ମିଳିନାହିଁ । ଅଗ୍ନିଶମ ବାହିନୀ ଘଟଣାସ୍ଥଳରେ ପହଞ୍ଚି ନିଆଁକୁ ଆୟତ୍ତ କରିଛନ୍ତି। ତେବେ ଅଗ୍ନିକାଣ୍ଡର କାରଣ ଜଣାପଡ଼ିନାହିଁ ବୋଲି ଅଗ୍ନିଶମ ଅଧିକାରୀ ସୂଚନା ଦେଇଛନ୍ତି ।