ଢ଼େଙ୍କାନାଳ: ସମାଜରେ ସମ୍ମାନର ସହ ବଞ୍ଚିବେ ଭିନ୍ନକ୍ଷମ। ଏଥିପାଇଁ ଆଜି ସ୍ୱାଧୀନତା ଦିବସ ଅବସରରେ ରାଉରକେଲା ଉଦିତନଗର ପ୍ୟାରେଡ ପଡ଼ିଆରେ କୁଷ୍ଠରୋଗରୁ ସୁସ୍ଥ ହୋଇଥିବା ଭିନ୍ନକ୍ଷମଙ୍କୁ କୃତ୍ରିମ ଅଙ୍ଗ ଵଣ୍ଟନ କରାଯାଇଛି। ସୁନ୍ଦରଗଡ଼ ଜିଲ୍ଲାର ଭିନ୍ନକ୍ଷମ ଓ ଲେପ୍ରୋସି କଲୋନିରେ ରହୁଥିବା ୩୯୨ ଜଣଙ୍କୁ କୃତ୍ରିମ ଅଙ୍ଗ ସହ ସହାୟକ ଉପକରଣ ଯୋଗାଇ ଦେବା ପାଇଁ ନିଷ୍ପତ୍ତି ହୋଇଛି। ସୁନ୍ଦରଗଡ଼ ଜିଲ୍ଲା ପ୍ରଶାସନ ଏବଂ ରାଉରକେଲା ମହାନଗର ନିଗମ ପକ୍ଷରୁ ସହରର ୬ଟି ଲେପ୍ରୋସି କଲୋନି ପାଇଁ ସ୍କ୍ରିନିଂ କ୍ୟାମ୍ପ ଅନୁଷ୍ଠିତ ହୋଇଥିଲା। ୩୯୨ ଜଣ ହିତାଧିକାରୀଙ୍କର ସ୍କ୍ରିନିଂ କରାଯାଇ ୨୭ ଜଣଙ୍କୁ କୃତ୍ରିମ ଅଙ୍ଗ, ୨ ଜଣଙ୍କୁ ହୁଇଲ୍ ଚେୟାର, ୪୧ ଜଣଙ୍କୁ ସର୍ଜିକାଲ ଜୋତା ଓ ୧୭୫ ଜଣଙ୍କୁ ଭିନ୍ନକ୍ଷମ ପରିଚୟପତ୍ର ଯୋଗାଇ ଦେବାପାଇଁ ନିଷ୍ପତ୍ତି ହୋଇଛି। ଯାହାକୁ ନେଇ ଖୁସି ପ୍ରକଟ କରିଛନ୍ତି ହିତାଧିକାରୀ।
