ବଲିଉଡରେ ରାଜ୍‌ କରୁଛି ଡ୍ରଗ୍ସ ମାଫିଆ,ସାମ୍ ଅଙ୍କଲ ଖୋଲିଲା ରହସ୍ୟ

1 min read

ମୁମ୍ବାଇ: ସୁଶାନ୍ତ ସିଂ ରାଜପୂ ମୃତ୍ୟୁ ମାମଲାରେ ଡ୍ରଗ୍ସ ଆଙ୍ଗଲରୁ ତଦନ୍ତ କରୁଥିବା ଏନସିବିକୁ ବଡ଼ ସଫଳତା ମିଳିଛି । ଏନସିବି ଦଳ ଡ୍ରଗ୍ସ ସପ୍ଲାୟର ରାହିଲ ରାଫତଙ୍କୁ ଗିରଫ କରିଛି । ରାହିଲକୁ ମେଡିକାଲ ଟେଷ୍ଟ ପାଇଁ ନିଆଯାଇଛି । ଏହାପରେ ତାକୁ କୋର୍ଟରେ ହାଜର କରାଯିବ । ରିପୋର୍ଟ ଅନୁସାରେ ରାହିଲ ଏନସିବିର ପଚରାଉଚରା ସମୟରେ କେତେକ ହାଇପ୍ରୋଫାଇଲ ସେଲିବ୍ରିଟିଜଙ୍କ ନାମ ନେଇଛି ।  ବଲିଉଡରେ ରାହିଲ ସ୍ୟାମ ଡ୍ରଗ ଅଙ୍କଲ ଭାବରେ ଜଣାଶୁଣା ।

ସୂଚନା ଅନୁଯାୟୀ ଏବେ ଏନସିବି କରଣ ଜୋହରଙ୍କ ଡ୍ରଗ୍ସ ପାର୍ଟିକୁ ନେଇ ତଦନ୍ତ କରୁଛି । ତେବେ ଏପର୍ଯ୍ୟନ୍ତ ଗିରଫ ହୋଇଥିବା ସମସ୍ତ ଡ୍ରଗ୍ସ ପ୍ୟାଡଲରଙ୍କ ମଧ୍ୟରେ ରାହିଲ ଏନସିବି ପାଇଁ ଏକ ବଡ଼ ଉପଲବ୍ଧି । ରାହିଲ ତା’ ବସ କହିବା ଅନୁସାରେ ବଲିଉଡର ସେଲିବ୍ରିଟି ଓ ପାର୍ଟିକୁ ଡ୍ରଗ୍ ସପ୍ଲାଏ କରୁଥିଲା । ରାହିଲର ବସ୍ କିଏ ଏପର୍ଯ୍ୟନ୍ତ ଏନସିବି କହିନାହିଁ କିନ୍ତୁ ଅନୁମାନ କରାଯାଉଛି ଯେ, ତାର ବଲିଉଡ୍ ସହ ସଂପର୍କ ରହିଛି । ସେ ଜଣେ ଅଭିନେତା,ନିର୍ଦ୍ଦେଶକ କିମ୍ବା ପ୍ରଯୋଜକ ହୋଇଥାଇ ପାରେ ବୋଲି ଗଣମାଧ୍ୟମରେ ଚର୍ଚ୍ଚା ଚାଲିଛି ।

ଏନସିବି ଏବେ ରାହିଲକୁ ରିମାଣ୍ଡରେ ନେବାକୁ ଅପିଲ କରିବ । ତେବେ ରାହିଲ ମାଧ୍ୟମରେ ବଲିଉଡ ସହିତ ଜଡ଼ିତ ଡ୍ରଗ୍ସ କାରବାର ପର୍ଯ୍ୟନ୍ତ ପହଞ୍ଚି ହେବ ବୋଲି ଆଶା ରଖିଛି ଏନସିବି । ଏହା ସହିତ ରାହିଲ ପଚରାଉଚରା ସମୟରେ କେତେକ ନାମିଦାମି ସେଲିବ୍ରିଟିଙ୍କ ନାମ ନେଇଛି । ତେବେ ସବୁଠାରୁ ଖାସ କଥା ହେଉଛି ଏନସିବିକୁ ମିଳିଥିବା ଖବର ଅନୁସାରେ ବଲିଉଡର ସେହି ଡ୍ରଗ୍ସ ବସ୍ ଫେରାର ହୋଇଯାଇଛି । କିନ୍ତୁ ଅନ୍ୟ କିଛି ସୋର୍ସରେ ସେ ମୁମ୍ବାଇରେ ଥିବା ଦାବି କରାଯାଉଛି ।

Opn Commnet Area

Leave a Reply

Your email address will not be published. Required fields are marked *

Close Bitnami banner