ସୀମା ଜଗିବ ହେରନ ମାର୍କ, ବର୍ଡରରେ ବାୟୁସେନାର ଶକ୍ତି ବଢ଼ାଇବ ଡ୍ରୋନ୍
1 min read
ନୂଆଦିଲ୍ଲୀ: ସୀମା ସୁରକ୍ଷା ସୁନିଶ୍ଚିତ କରିବ ଡ୍ରୋନ । ଚୀନ, ପାକିସ୍ତାନ ସୀମା ଉପରେ ନଜର ରଖିବ ହେରନ ମାର୍କ । ଉଚ୍ଚ କ୍ଷମତା ସମ୍ପନ୍ନ ଡ୍ରୋନରେ ସର୍ଭେଲାନ୍ସ ସହ ଷ୍ଟ୍ରାଇକ କରିବାର କ୍ଷମତା ରହିଛି । ଏହି ଡ୍ରୋନରେ ଦୂରଗାମୀ କ୍ଷେପଣାସ୍ତ୍ର ଏବଂ ଅନ୍ୟ ଅସ୍ତ୍ରଶସ୍ତ୍ର ଖଞ୍ଜାଯାଇପାରିବ । ଜାମ୍ମୁ-କାଶ୍ମୀର ଉତ୍ତର ସେକ୍ଟରର ଫରଓ୍ବାର୍ଡ ଏୟାରବେସରେ ଏହି ଡ୍ରୋନ ମୁତୟନ କରାଯାଇଛି । ସାଟେଲାଇଟ୍ ଯୋଗାଯୋଗ କ୍ଷମତା ବିଶିଷ୍ଟ ଡ୍ରୋନଗୁଡିକ ଭାରତୀୟ ବାୟୁସେନାର ଶକ୍ତିକୁ ବୃଦ୍ଧି କରିଛି । ପ୍ରଥମ ଥର ଲାଗି ବାୟୁସେନାକୁ ଏହି ଡ୍ରୋନ ମିଳିଛି । ସବୁପ୍ରକାର ସର୍ଭେଲାନ୍ସରେ ଏହାକୁ ବ୍ୟବହାର କରାଯାଇପାରିବ । ସୀମା ସେପଟୁ ଆସୁଥିବା ଡ୍ରୋନ, ଶତ୍ରୁର ଗତିବିଧି ଉପରେ ଏହି ଡ୍ରୋନ କଡ଼ା ନଜର ରଖିବ । ଦୀର୍ଘ ଦୂରତାରେ ଏହି ଡ୍ରୋନ୍ ଲଗାତାର ୩୬ ଘଣ୍ଟା ଧରି କାର୍ଯ୍ୟ କରିପାରିବ । ଶତ୍ରୁର ଲକ୍ଷ୍ୟକୁ ଦେଖିବା ସହ ଫାଇଟର ଏୟାରକ୍ରାଫ୍ଟ ଏହାକୁ ଧ୍ବଂସ କରିବାରେ ସହଯୋଗ କରିବ ବୋଲି ବାୟୁସେନା ପକ୍ଷରୁ କୁହାଯାଇଛି ।
