ଚୀନ ସହିତ ବିବାଦ ମଧ୍ୟରେ ଲଦାଖରେ ପହଞ୍ଚିଲେ ସେନା ମୁଖ୍ୟ,ସ୍ଥିତିର କରିବେ ସମୀକ୍ଷା
1 min read
ନୂଆଦିଲ୍ଲୀ: ଭାରତ ଏବଂ ଚୀନ ମଧ୍ୟରେ ବିବାଦ ଜାରି ରହିଛି । ଲାଇନ ଅଫ ଆକଚୁଆଲ କଣ୍ଟ୍ରୋଲ ବା LAC ରେ ଚୀନର ସୀମା ଉଲ୍ଲଂଘନ ଉଦ୍ୟମର କଡ଼ା ଜବାବ ଦେଉଛି ଭାରତ । ଏହା ମଧ୍ୟରେ ପେଙ୍ଗୋଙ୍ଗ ଏବଂ ଅନ୍ୟ ଅଞ୍ଚଳର ପରିସ୍ଥିତି ପରଖିବା ପାଇଁ ଗୁରୁବାର ସକାଳେ ଲଦାଖରେ ପହଞ୍ଚିଛନ୍ତି ସେନା ମୁଖ୍ୟ ମନୋଜ ମୁକୁନ୍ଦ ନରବଣେ ।
ଦୀର୍ଘ ଦିନ ହେବ ଚୀନ ଏବଂ ଭାରତ ମଧ୍ୟରେ ସୀମାକୁ ନେଇ ବିବାଦ ଦେଖିବାକୁ ମିଳୁଛି । ନିକଟରେ ଚୀନ ପୁଣି ବଳପୂର୍ବକ ଅନୂପ୍ରବେଶ କରିଥିବା କହିଛି ଭାରତ । ଯାହାପରେ ସେନା ମୁଖ୍ୟ ଲଦାଖରେ ପରିସ୍ଥିତିକୁ ପରଖିବା ପାଇଁ ପହଞ୍ଚିଛନ୍ତି । ସେଠାରେ ପହଞ୍ଚି ନରବଣେ ପରିଚାଳନା ଏବଂ ସୀମା ବିଷୟରେ ଖବର ନେଇଛନ୍ତି । ତେବେ ଉକ୍ତ ବିବାଦକୁ ନେଇ ଚୀନ ଏବଂ ଭାରତ ମଧ୍ୟରେ ବୈଠକ ଜାରି ରହିଛି ।
ଖବର ଅନୁଯାୟୀ ନରବଣେ ଲଦାଖ ଦୁଇ ଦିନିଆ ଗସ୍ତରେ ପହଞ୍ଚିଛନ୍ତି । ଚୀନର ଦକ୍ଷିଣରେ ଥିବା ପେଙ୍ଗୋଙ୍ଗର ସ୍ଥିତିକୁ ବଦଳାଇବା ପାଇଁ ଚୀନ ଆରମ୍ଭ କରିଥିବା ନୂଆ ଉଦ୍ୟମ ଭିତରେ ଉକ୍ତ ଅଞ୍ଚଳରେ ସୁରକ୍ଷା ସ୍ଥିତିକୁ ସମୀକ୍ଷା କରିବା ପାଇଁ ଗୁରୁବାରଠାରୁ ସେନା ମୁଖ୍ୟଙ୍କ ଗସ୍ତ ଆରମ୍ଭ ହୋଇଛି । ସେନାର ଶୀର୍ଷ କମାଣ୍ଡରଙ୍କ ସହ ଆଲୋଚନା କରି ସେନାମୁଖ୍ୟ ସ୍ଥିତିର ସମୀକ୍ଷା କରିବେ ।
