ଅଭିନେତା ଅର୍ଜୁନ କପୁର କରୋନା ପଜିଟିଭ

ମୁମ୍ବାଇ: ବଲିଉଡରେ ପଶିଛି କରୋନା। ଅଭିନେତା ଅର୍ଜୁନ କପୁର ଓ ତାଙ୍କ ଭଉଣୀ ଅଂଶୁଲ କରୋନା ପଜିଟିଭ ହୋଇଛନ୍ତି । ରିପୋର୍ଟ ଅନୁସାରେ ସଂକ୍ରମିତ ଚିହ୍ନଟ ହେବା ପରେ ଦୁହେଁ କ୍ୱାରେଣ୍ଟାଇନରେ ରହିଛନ୍ତି। ଏଥିସହିତ ସେମାନଙ୍କ ସମ୍ପର୍କରେ ଆସିଥିବା ବ୍ୟକ୍ତି ମାନେ ନିଜ ନିଜର ଟେଷ୍ଟ କରାଇବାକୁ ନିବେଦନ କରିଛନ୍ତି ଅର୍ଜୁନ।

କ୍ରିସମସ୍ ପାର୍ଟିରେ ଅମୃତା-ମଲାଇକାଙ୍କ ସହ ସାମିଲ

ନିକଟରେ ଅର୍ଜୁନ ଗର୍ଲଫ୍ରେଣ୍ଡ ମଲାଇକା ଅରୋରାଙ୍କ ଘରେ ଆୟୋଜିତ ହୋଇଥିବା କ୍ରିସମସ୍ ପାର୍ଟିରେ ସାମିଲ ହୋଇଥିଲେ । ଏହି ପାର୍ଟିରେ ମଲାଇକାଙ୍କ ଭଉଣୀ ଅମୃତା ମଧ୍ୟ ସାମିଲ ହୋଇଥିଲେ । ଏହାବ୍ୟତୀତ କରିସ୍ମା କପୁରଙ୍କ ଘରେ ଆୟୋଜିତ କ୍ରିସମସ୍ ପାର୍ଟିରେ ଅର୍ଜୁନ ଓ ମଲାଇକା ଏକାଠି ନଜର ଆସିଥିଲେ । ପାର୍ଟିରେ କରିସ୍ମାଙ୍କ ଫ୍ୟାମିଲି ମେମ୍ବରଙ୍କ ସହ କରିନା କପୁର ମଧ୍ୟ ଥିଲେ।