ବିବାହରେ ପର୍ଫମ ପାଇଁ ସଲମାନ ଶାହାରୁଖଙ୍କଠୁ ଅଧିକ ଫିସ୍ ନିଅନ୍ତି ଅରିଜିତ
ନୂଆଦିଲ୍ଲୀ: ମହଙ୍ଗା ବିବାହରେ ସେଲିବ୍ରିଟି ପର୍ଫମ କରିବା ଆଜିକାଲି ଏକ ସାଧାରଣ କଥା ହୋଇଗଲାଣି । ୫ ମିନିଟର ପର୍ଫମାନ୍ସ ପାଇଁ ତାରକାମାନେ ନେଉଛନ୍ତି କୋଟି କୋଟି ଟଙ୍କା । ଇଭେଣ୍ଟ ମ୍ୟାନେଜର୍ସ ଏବଂ ଇଣ୍ଡଷ୍ଟ୍ରି ଏକ୍ସପର୍ଟସଙ୍କ କହିବା ମୁତାବିକ ସଲମାନ ଏବଂ ଶାହାରୁଖଙ୍କ ଭଳି ଅଭିନେତା ବିବାହରେ ପର୍ଫମାନ୍ସ କରିବା ପାଇଁ ୩ କୋଟିରୁ ଅଧିକ ଚାର୍ଜ କରନ୍ତି । ରଣବୀର ସିଂ ୧ କୋଟି ୭୫ ଲକ୍ଷ, ରଣବୀର କପୂର ୧ କୋଟି ୫୦ ଲକ୍ଷ, ଆଲିୟା ଭଟ୍ଟ ଏବଂ ଦୀପିକା ପାଦୁକୋନ ୧ କୋଟି ୫୦ ଲକ୍ଷ ଚାର୍ଜ କରନ୍ତି । ଖାସ୍ କଥା ହେଉଛି ଅଭିନେତାଙ୍କ ତୁଳନାରେ କଣ୍ଠଶିଳ୍ପୀ ଅଧିକ ଟଙ୍କା ଡିମାଣ୍ଡ କରନ୍ତି । କିନ୍ତୁ ଏମିତି କିଛି ସିଙ୍ଗର ଅଛନ୍ତି ଯେଉଁମାନେ ଆକ୍ଟରଙ୍କଠାରୁ ଅଧିକ ଚାର୍ଜ କରନ୍ତି ।
ଆମେ କହୁଛୁ ବଲିଉଡର ଭର୍ସାଟାଇଲ ସିଙ୍ଗର ଅରିଜିତ ସିଂଙ୍କ ବିଷୟରେ । ଅରିଜିତ ସିଂ ଖୁବ୍ କମ୍ ବିବାହ ଫଙ୍କସନରେ ପର୍ଫମ କରନ୍ତି । କିନ୍ତୁ ଯେବେ ମଧ୍ୟ ପର୍ଫମ କରନ୍ତି ସବୁଠୁ ଅଧିକ ଚାର୍ଜ କରନ୍ତି । ଅତି କମରେ ଅରିଜିତ ୫ କୋଟି ଚାର୍ଜ କରନ୍ତି । ଏପି ଢ଼ିଲୋଙ୍କ ଭାଲ୍ୟୁ ମଧ୍ୟ ଯଥେଷ୍ଟ ଅଧିକ । ବିବାହରେ ପର୍ଫମ କରିବା ପାଇଁ ପ୍ରାୟ ୪ କୋଟି ଚାର୍ଜ କରନ୍ତି । ତେବେ ସେମାନେ ଆସିବା ପୂର୍ବରୁ ତାଙ୍କ ଟିମ୍ ପ୍ରଥମେ ଭେନୁଙ୍କୁ ଯାଇ ତଦାରଖ କରନ୍ତି ।
ବିବାହରେ ପର୍ଫମ ପାଇଁ ଗୁରୁ ରନ୍ଧଓ୍ୱା,ମିକା ସିଂ,ହନି ସିଂ,ନେହା କକ୍କର ଏବଂ ଅଖିଲ ସଚଦେବା ଭଳି ସିଙ୍ଗରଙ୍କୁ ଅଧିକ ଅଫର ଆସେ । ଏକ୍ସପର୍ଟଙ୍କ କହିବା ହେଉଛି ବିବାହରେ ଅଭିନେତାଙ୍କ ଠାରୁ ଅଧିକ କଣ୍ଠଶିଳ୍ପୀଙ୍କ ଡିମାଣ୍ଡ ଅଧିକ । କିନ୍ତୁ ଏମାନଙ୍କୁ ନେବାକୁ ହେଲେ ଖାସ୍ ବ୍ୟବସ୍ଥା କରିବାକୁ ପଡ଼େ । ଯେପରିକି ଟ୍ରଭେଲିଙ୍ଗ ପାଇଁ ଚାର୍ଟାର୍ଡ଼ ପ୍ଲେନର ବ୍ୟବସ୍ଥା କରିବାକୁ ପଡ଼େ । ପ୍ରେସିଡେନ୍ସିଆଲ ସୁଇଟ ବୁକ୍ କରିବାକୁ ପଡ଼େ । କିନ୍ତୁ ସେମାନେ କେବେ ମଧ୍ୟ ଓଭର ଡିମାଣ୍ଡ କରନ୍ତି ନାହିଁ । ସେଲିବ୍ରିଟିଙ୍କୁ ନେଇ ଉଡ଼ା ଖବର ଆସେଯେ ସେମାନେ ଅଧିକ ନଖରା ଦେଖାନ୍ତି । ଏହା କିନ୍ତୁ ମିଛ । ତାଙ୍କ ଡିମାଣ୍ଡ ପୂରଣ କରିଦେଲେ କିଛି ସମସ୍ୟା ନଥାଏ ।
ଉଦିତ ନାରାୟଣ ଏବଂ ଅଭିଜିତ ଦାଙ୍କ ଡିମାଣ୍ଡ ଏବେ ମଧ୍ୟ କମିନି । ଏମାନେ ୨୫ରୁ ୫୦ ଲକ୍ଷ ପର୍ଯ୍ୟନ୍ତ ଚାର୍ଜ କରନ୍ତି । ତେବେ କୋଭିଡ ପରେ ପରେ ବଲିଉଡ ଷ୍ଟାର ଫିସ୍ ଅଧିକ ବଢ଼ାଇ ଦେଇଛନ୍ତି
