ଫ୍ରାନ୍ସକୁ ହରେଇ ଫାଇନାଲରେ ଆର୍ଜେଣ୍ଟିନା, ଭାରତ-ଜର୍ମାନୀ ଭିତରେ କଡ଼ା ମୁକାବିଲା

ଭୁବନେଶ୍ୱର: ଫ୍ରାନ୍ସକୁ ହରେଇ ଫାଇନାଲରେ ଆର୍ଜେଣ୍ଟିନା। ମ୍ୟାଚ ଶେଷ ସୁଦ୍ଧା କେହି କାହାକୁ ଗୋଲ ଦେବାରେ ସକ୍ଷମ ହୋଇନଥିଲେ। ଫଳରେ ମ୍ୟାଚ ସୁଟ ଆଉଟକୁ ଯାଇଥିଲା। ସୁଟ ଆଉଟରେ ଆର୍ଜେଣ୍ଟିନା ଫ୍ରାନ୍ସକୁ 3-1ରେ ହରେଇ ଫାଇନାଲରେ ପ୍ରବେଶ କରିଛି। ଏହା ସହ କଳିଙ୍ଗ ଷ୍ଟାଡିୟମରେ ଖେଳାଯାଉଥିବା ଜୁନିଅର ହକି ବିଶ୍ୱକପରେ ପ୍ରଥମ ଦଳ ଭାବେ ଆର୍ଜେଣ୍ଟିନା ଫାଇନାଲକୁ ପ୍ରବେଶ କରିଛି। ପ୍ରଥମ ସେମିଫାଇନାଲ ଖେଳ ଶେଷ ହୋଇଥିବାବେଳେ ଦ୍ୱିତୀୟ ପାଳିରେ ଜର୍ମାନୀ  ସହ ଭେଟିବ ଭାରତ  ।

କଳିଙ୍ଗର ବ୍ଲୁ ଟର୍ଫରେ କମାଲ କରିବା ଲକ୍ଷ୍ୟରେ ବ୍ଲୁ ବ୍ରିଗେଡ ରହିଛି । ଜୁନିଅର ବିଶ୍ୱକପ ଟ୍ରଫି ବଜାୟ ରଖିବା ଲକ୍ଷ୍ୟରେ ଟର୍ଫକୁ ଓହ୍ଲାଇବ ଡିଫେଡିଂ ଚମ୍ପିଆନ ଭାରତ । ଶୁକ୍ରବାର ଖେଳାଯିବାକୁ ଥିବା ସେମିଫାଇନାଲ ମ୍ୟାଚରେ ବିଜୟ ଲାଭ କରି ଫାଇନାଲ ଟିକେଟ ହାସଲ କରିବା ଲକ୍ଷ୍ୟରେ ଟିମ୍ ଇଣ୍ଡିଆ । କ୍ୱାଟର ଫାଇନାଲରେ ଶକ୍ତିଶାଳୀ ବେଲଜିୟମକୁ ପରାସ୍ତ କରି ସେମିଫାଇନାଲରେ ଟିକେଟ ହାସଲ କରିଛି ଭାରତ । ତେବେ ସେମିଫାଇନାଲରେ ଜର୍ମାନୀକୁ ଟକ୍କର ଦେବ ଭାରତ ।  ଭାରତ-ଜର୍ମାନୀ ଭିତରୁ ଯେଉଁ ଦଳ ଜିତିବ ଫାଇନାଲରେ ଆର୍ଜେଣ୍ଟିନା ସହ ମୁହାଁମୁହିଁ ହେବ  ।

Leave a Reply

Your email address will not be published.