କମାଲ କଲା ମେସିଙ୍କ ଯାଦୁ, ଫିଫା ବିଶ୍ୱକପ୍ ଫାଇନାଲରେ ଆର୍ଜେଣ୍ଟିନା

ଦୋହା: ଫିଫା ବିଶ୍ୱକପ୍ ଫାଇନାଲରେ ଆର୍ଜେଣ୍ଟିନା । କ୍ରୋଏସିଆକୁ ପଛରେ ପକାଇ ଟାଇଟଲ ହାତେଇବାକୁ ପାଦେ ଆଗରେ ଆର୍ଜେଣ୍ଟିନା । ୩-୦ ଗୋଲରେ କ୍ରୋଏସିଆକୁ ଧୂଳି ଚଟାଇଲା ଆର୍ଜେଣ୍ଟିନା । ଲିଓନେଲ ମେସିଙ୍କ ଅଧିନାୟକତ୍ୱରେ ଆର୍ଜେଣ୍ଟିନା ଟିମ୍ ଫିଫା ବିଶ୍ବକପ୍ ୨୦୨୨ର ଫାଇନାଲକୁ ଏଣ୍ଟ୍ରି ନେଇସାରିଛି । କତାରରେ ଖେଳାଯାଉଥିବା ବିଶ୍ବକପ୍ ସେମି ଫାଇନାଲରେ ଶେଷ ମିନିଟ୍ ଯାଏ ସଂଘର୍ଷ କରିଥିଲା କ୍ରୋଏସିଆ । ହେଲେ ମେସିଙ୍କ ଦମଦାର ପ୍ରଦର୍ଶନ ତାଙ୍କୁ ଫାଇନାଲରେ ପହଞ୍ଚାଇବାରେ ସହାୟକ ହୋଇଛି । ୨୦୧୪ ପରେ ପ୍ରଥମ ଥର ପାଇଁ ଫାଇନାଲ ପ୍ରବେଶ କରିଛି ଆର୍ଜେଣ୍ଟିନା ।

ଆଜି ଫ୍ରାନ୍ସ ମୋରକୋ ମଧ୍ୟରେ ଦ୍ବିତୀୟ ସେମିଫାଇନାଲ ଟକ୍କର ହେବ । ତେଣୁ ଆଜି ଯିଏ ଜିତିବ ଆର୍ଜେଣ୍ଟିନା ସହ ସେହି ଟିମର ଟ୍ରଫି ପାଇଁ ଟକ୍କର ହେବ । ଫିଫା ବିଶ୍ବକପ୍ ଫାଇନାଲ ମ୍ୟାଚ୍ ୧୮ ଡିସେମ୍ବରରେ ହେବ । ଭାରତୀୟ ସମୟ ଅନୁସାରେ ରାତି ୮ଟା ୩୦ରେ ହେବ ମ୍ୟାଚ୍ । ବିଶ୍ବକପରେ ମେସିଙ୍କ ଏହା ୨୬ତମ ମ୍ୟାଚ୍ ହେବ । ଫାଇନାଲ ଖେଳିବା ସହ ଫିଫା ବିଶ୍ବକପ୍ ଇତିହାସରେ ସବୁଠୁ ଅଧିକ  ମ୍ୟାଚ୍ ଖେଳିବାର ରେକର୍ଡ ମେସିଙ୍କ ନାଁରେ ହୋଇଯିବ ।