ପଦାକୁ ଆସିଲା ଅର୍ଚ୍ଚନାର ଡିଲ୍ ଭିଡିଓ, ବଡ଼ ବଡିଆଙ୍କୁ ଫସାଉଥିଲା ଅର୍ଚ୍ଚନା
1 min read
ଭୁବନେଶ୍ବର: ବ୍ଲାକମେଲିଂର ରାଣୀ ମାୟାବିନୀ ଅର୍ଚ୍ଚନା ନାଗ । ଅର୍ଚ୍ଚନା ନାଗଫାଶର ଖୋଳତାଡ଼ ଆରମ୍ଭ କରିଛି ପୋଲିସ । ଆଳୁ ଖୋଳୁ ଖୋଳୁ ମହାଦେବ ବାହାରିବା ଭଳି ସାମ୍ନାକୁ ଆସିଛି ଅର୍ଚ୍ଚନାର ଡିଲ୍ ବେଳର ଭିଡିଓ ।
ହାଇ ପ୍ରୋଫାଇଲ ହୋଟେଲରେ ଡିଲ ବେଳର ଭିଡିଓ ହୋଇଥିବା ଚର୍ଚ୍ଚା ହେଉଛି । ବଡ଼ ବଡ଼ିଆଙ୍କୁ ଟ୍ରାପ ପରେ କିଭିଳି ମିଡିଏଟିଙ୍ଗ କରୁଥିଲା, ତାର ଭିଡିଓ ସାମ୍ନାକୁ ଆସିଛି । ଅର୍ଚ୍ଚନା ଫାଶରେ ପଡ଼ି କିପରି ଡିଲ୍ କରୁଥିଲେ ବଡବଡିଆ ତାର ଭିଡିଓ ନନ୍ଦିଘୋଷ ଟିଭି ହାତରେ ଲାଗିଛି ।
ଅନ୍ୟପଟେ ମାୟାବିନୀ ଅର୍ଚ୍ଚନା ନାଗ ଗିରଫ ଘଟଣାର ଖୋଳତାଡ ଆରମ୍ଭ ହୋଇଛି । ଜବତ ମୋବାଇଲ, ପେନ୍ ଡ୍ରାଇଭ୍ ଓ ହାର୍ଡଡିସ୍କକୁ ନେଇ ପୋଲିସ କରୁଛି ଛାନବିନ୍ । ମୋବାଇଲରେ ରହିଛି ଅନେକ ବଡ଼ ବଡ଼ିଆଙ୍କ ନମ୍ବର । ଅର୍ଚ୍ଚନାଙ୍କ ବିରୋଧରେ ଲାଗିଛି ସଙ୍ଗୀନ ଦଫା । ହାଇ ପ୍ରୋଫାଇଲ ରାକେଟ ନେଇ ପୋଲିସ ଚଳାଇଛି ତଦନ୍ତ । ଟେଣ୍ଡର, ଟ୍ରାନସଫର ଓ ଚାକିରି ଦେବାକୁ କହି ଲୋକଙ୍କୁ ଲଗାଇଛି ଚୂନ । ଅର୍ଚ୍ଚନାକୁ ରିମାଣ୍ଡରେ ଆଣିବାକୁ ଯୋଜନା କରୁଛି ପୋଲିସ । ଅଭିଯୋଗ ସଂଖ୍ୟା ବଢ଼ିପାରେ ବୋଲି କୁହାଯାଉଛି । ଅର୍ଚ୍ଚନା ବିରୋଧରେ ଆଇପିସି ଦଫା 420, 506, 120(ଖ) ଓ IT ଆକ୍ଟରେ ମାମଲା ରୁଜୁ ହୋଇଛି ।
