ରାଜଧାନୀରେ ରହି ନେତା ଓ ଅଭିନେତାଙ୍କୁ ବ୍ଲାକମେଲିଂ, କମିଶନରେଟ ପୋଲିସ ଜାଲରେ ମାଷ୍ଟର ମାଇଣ୍ଡ ଯୁବତୀ ଅର୍ଚ୍ଚନା ନାଗ

ଭୁବନେଶ୍ୱର: ରାଜଧାନୀରେ ରହି ନେତା ଓ ଅଭିନେତାଙ୍କୁ ବ୍ଲାକମେଲିଂ ଅଭିଯୋଗ । କମିଶନରେଟ ପୋଲିସ ଜାଲରେ ମାଷ୍ଟର ମାଇଣ୍ଡ ଯୁବତୀ । ଅର୍ଚ୍ଚନା ନାଗ ନାମକ ଜଣେ ଯୁବତୀଙ୍କୁ ଗିରଫ କରିଛି କମିଶନରେଟ ପୋଲିସ । କିଛିଦିନ ତଳେ ପ୍ରତିଷ୍ଠିତ ରାଜନେତାଙ୍କୁ ବ୍ଲାକମେଲ ନେଇ ଆସିଥିଲା ଅଭିଯୋଗ । ମୋଟା ଅଙ୍କର ଟଙ୍କା ନେଇଥିଲେ ଅର୍ଚ୍ଚନା ନାଗ । ପ୍ରଯୋଜକଙ୍କୁ ଟଙ୍କା ମାଗୁଥିବା ଅଡିଓ ମଧ୍ୟ ଭାଇରାଲ ହୋଇଛି ।

ସେକ୍ସ ସ୍କାଣ୍ଡାଲର ମଧ୍ୟସ୍ଥତା ପାଇଁ ମାଗୁଥିଲେ ଟଙ୍କା । ସୁନା ଦୋକାନ ମାଲିକଙ୍କଠୁ ନେଇଛନ୍ତି କୋଟି କୋଟି ଟଙ୍କା । ଅର୍ଚ୍ଚନାଙ୍କ ସହ ବେଶ ସମ୍ଭ୍ରାନ୍ତ ଶ୍ରେଣୀର ଲୋକଙ୍କ ଫଟୋ ବି ରହିଛି । କମ୍ ଦିନ ମଧ୍ୟରେ କୋଟି କୋଟି ଟଙ୍କାର ସମ୍ପତ୍ତିର ମାଲିକାଣି ହୋଇଛନ୍ତି ଅର୍ଚ୍ଚନା । ଗିରଫ ପରେ ଅଜ୍ଞାତ ସ୍ଥାନରେ ଜେରା କରୁଛି କମିଶନରେଟ ପୋଲିସ । ଅର୍ଚ୍ଚନାଙ୍କ ରାତାରାତି କୋଟିପତି ହେବାର ରହସ୍ୟ ସମ୍ପର୍କରେ ପଚରାଉଚରା କରୁଛି ପୋଲିସ ।