ଭୁବନେଶ୍ୱର: ରାଜ୍ୟ ସରକାରଙ୍କୁ ୫ ହଜାର ଅକ୍ସି ସିଲିଣ୍ଡର ପ୍ରଦାନ କରିଛି ଆର୍ସେଲର ମିତଲ ନିପନ ଷ୍ଟିଲ। ରାଜ୍ୟ ଔଷଧ ନିଗମ ପରିସରରେ ଇପିକଲ ଏମଡି ନିତିନ ଭାନୁଦାସ ଜାୱଲେ ଙ୍କୁ ନିପନ ଷ୍ଟିଲ କତ୍ତୃପକ୍ଷ ଏହି ସିଲିଣ୍ଡର ପ୍ରଦାନ କରିଛନ୍ତି। ପୂର୍ବରୁ ୧୩୦୦ ସିଲିଣ୍ଡର ପ୍ରଦାନ କରିଥିଲା ନିପନ ଷ୍ଟିଲ। ଏହି ସିଲିଣ୍ଡରକୁ ମିଶାଇ ବର୍ତ୍ତମାନ ପ୍ରାୟ ୪୦ ହଜାର ଅକ୍ସିଜେନ ସିଲିଣ୍ଡର ଉପଲବ୍ଧ ହୋଇଛି।
ରାଜ୍ୟରେ ସଂକ୍ରମଣ କମୁଥିବାରୁ ପ୍ରାୟ ୧୦ ହଜାର ସିଲିଣ୍ଡର ଆବଶ୍ୟକ ପଡୁଥିବା ବେଳେ ବହୁ ପରିମାଣରେ ଉପଲବ୍ଧ ରହିଛି। ଆଗାମୀ ଦିନରେ କୋଭିଡ ମୁକାବିଲା କ୍ଷେତ୍ରରେ ଏହା ବିଶେଷ ଭାବେ ସହାୟକ ହେବ ବୋଲି କୁହାଯାଉଛି। ଆଗାମୀ ଦିନରେ ଆବଶ୍ୟକ ଅନୁସାରେ ବିଭିନ୍ନ ସ୍ଥାନକୁ ଏହା ପଠାଯିବ।
