ରାଜ୍ଯସଭା ସାଂସଦ ସ୍ଵାତୀ ମାଲିୱାଲଙ୍କ ମେଡିକାଲ ଟେଷ୍ଟ, ମାମଲା ରୁଜୁ
![](https://nandighoshatv.com/wp-content/uploads/2024/05/ବିଭବ-କୁମାର-1024x576.jpg)
ନୂଆଦିଲ୍ଲୀ: ରାଜ୍ଯସଭା ସାଂସଦ ସ୍ଵାତୀ ମାଲିୱାଲଙ୍କ ହେଲା ମେଡିକାଲ ଟେଷ୍ଟ। ଗତକାଲି ରାତିରେ ଦିଲ୍ଲୀ ଏମ୍ସରେ ସ୍ଵାତି ମାଲିୱାଲଙ୍କ ମେଡିକାଲ ଟେଷ୍ଟ ହୋଇଛି। ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜରିୱାଲଙ୍କ ପିଏ ବିଭବ କୁମାର ସ୍ଵାତୀ ମାଲିୱାଲଙ୍କୁ ଆକ୍ରମଣ କରିଥିବା ଅଭିଯୋଗ ହୋଇଛି। ଏ ନେଇ ଦିଲ୍ଲୀ ପୋଲିସ ମାମଲା ରୁଜୁ କରିବା ସହ ତଦନ୍ତ ଆରମ୍ଭ କରିଛି।
ଗତକାଲି ସ୍ଵାତୀ ରହୁଥିବା ବାସଭବନରେ ପହଞ୍ଚିଥିଲା ଦିଲ୍ଲୀ ପୋଲିସ। ଏହାପରେ ତାଙ୍କୁ ନେଇ ସ୍ଵାସ୍ଥ୍ୟ ପରୀକ୍ଷା କରିଛି। ସେପଟେ ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜରିୱାଲଙ୍କ ପିଏ ବିଭଗ କୁମାରଙ୍କୁ ଖୋଜୁଛି ଦିଲ୍ଲୀ ପୋଲିସ। ଗତକାଲି ଦିଲ୍ଲୀର ଚନ୍ଦ୍ରାବଲ ନଗରସ୍ଥିତ ବିଭବ କୁମାରଙ୍କ ଘରକୁ ଯାଇଥିଲା ଦିଲ୍ଲୀ ପୋଲିସ। ସେଠାରେ ତାଙ୍କୁ ପାଇନଥିଲା। ଦିଲ୍ଲୀ ପୋଲିସର ଏକାଧିକ ଟିମ୍ ବିଭବ କୁମାରଙ୍କୁ ଖୋଜୁଥିବା ଜଣାପଡିଛି।
ଦିଲ୍ଲୀ ପୋଲିସର କ୍ରାଇମବ୍ରାଞ୍ଚ ସମେତ ସ୍ପେଶାଲ୍ ସେଲ୍ ଟିମ ବିଭବ କୁମାରଙ୍କୁ ଖୋଜୁଛି। ଗିରଫ ହୋଇପାରନ୍ତି ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜରିୱାଲଙ୍କ ପିଏ ବିଭବ କୁମାର।