ଭୁବନେଶ୍ୱର: ଜେଲ୍ ଅନ୍ତେବାସୀଙ୍କ ସୁବିଧାକୁ ଗୁରୁତ୍ୱ। ଝାରପଡ଼ା ଜେଲରେ ବନ୍ଦୀଙ୍କ ପାଇଁ ପିଇବା ପାଣିର ସୁବିଧା ହୋଇଛି। ଲାଗିଲା ୫ଟି ଆକ୍ୱାଗାର୍ଡ। ଅନ୍ତେବାସୀଙ୍କୁ ସ୍ଵଛ ଓ ଥଣ୍ଡା ପାଣି ଯୋଗାଈ ଦେବାକୁ ବ୍ୟବସ୍ଥା ହୋଇଛି। ଜେଲରେ ରହୁଥିବା ୧୫୬୬ ଅନ୍ତେବାସୀଙ୍କ ପାନୀୟ ବ୍ୟବସ୍ଥାକୁ ଗୁରୁତ୍ୱ ଦେଇ ଆକ୍ୱାଗାର୍ଡ ଲଗାଯାଇଛି। ଜେଲ ସଂସ୍କାର କାର୍ଯ୍ୟକ୍ରମ ଭିତରେ କ୍ୟାଣ୍ଟିନ ମଧ୍ୟ ଖୋଲାଯାଇଛି।
୩ ବର୍ଷ ମଧ୍ୟରେ ଏଥିରୁ ୩୪ ଲକ୍ଷ ୫୭୫ ଟଙ୍କା ଲାଭ ହୋଇଛି। ପ୍ରିଜନର୍ସ ୱେଲଫେୟାର ଦିଗରେ ଏହାକୁ ବିନିଯୋଗ କରାଯିବ ବୋଲି ଜେଲ ସୁପରିଟେଣ୍ଡେଣ୍ଟ ଡି.ଏନ. ବାରିକ ସୂଚନା ଦେଇଛନ୍ତି। ସେହିପରି ଝାରପଡ଼ା ଜେଲକୁ ଖାଦ୍ୟ ସୁରକ୍ଷା ପ୍ରମାଣ ପତ୍ର ମିଳିଛି। ପୂର୍ବରୁ କଏଦୀଙ୍କୁ ଆତ୍ମନିର୍ଭରଶୀଳ କରିବା ପାଇଁ ତାଲିମ ଦିଆଯାଇଥିଲା। ମାଛ ଚାଷ, ସୋରିଷ ତେଲ , ହଳଦୀ, ଅଟା ,ବେସନ ତିଆରି ଦିଗରେ ଏହା ସହାୟତା କରିଥିଲା।
