ଅନଲାଇନରେ ସମସ୍ତ ତଥ୍ୟ ଦେଇ ଟିକେଟ୍ ପାଇଁ ଆବେଦନ କରିବେ କଂଗ୍ରେସ ଟିକେଟରେ ଲଢ଼ିବାକୁ ଥିବା ଆଶାୟୀ
1 min read
ଭୁବନେଶ୍ବର: ନିର୍ବାଚନ ପୂର୍ବରୁ କଂଗ୍ରେସର ଟିକେଟ କସରତ । ଅନଲାଇନରେ ସମସ୍ତ ତଥ୍ୟ ଦେଇ ଟିକେଟ୍ ପାଇଁ ଆବେଦନ କରିବେ କଂଗ୍ରେସ ଟିକେଟରେ ଲଢ଼ିବାକୁ ଥିବା ଆଶାୟୀ । ଖୁବଶୀଘ୍ର ଟିକେଟ ଆବେଦନ କରିବାର ଇ-ଫର୍ମ ଉପଲବ୍ଧ କରାଯିବ । ଏକାଧିକ ଆଶାୟୀ ଥିଲେ ଯୋଗ୍ୟ ପ୍ରାର୍ଥୀ ନେଇ ତର୍ଜମା କରିବ ପ୍ରଦେଶ ଇଲେକ୍ସନ କମିଟି । ଏହାପରେ ପ୍ରାର୍ଥୀଙ୍କ ତାଲିକାକୁ ସ୍କ୍ରିନିଂ କମିଟିକୁ ପଠାଯିବ । ସ୍କ୍ରିନିଂ କମିଟିର ଅନୁମୋଦନ ପରେ ଉପଯୁକ୍ତ ପ୍ରାର୍ଥୀଙ୍କୁ ଟିକେଟ ମିଳିବ। ଆଗୁଆ ଟିକେଟ ବାଣ୍ଟିବା ପାଇଁ କଂଗ୍ରେସ ପ୍ରକ୍ରିୟା ଆରମ୍ଭ କରିଛି। ରାଜ୍ୟ ଅତିଥି ଭବନରେ ଆଜି ଏ ନେଇ ଏକ ରୁଦ୍ଧ ଦ୍ୱାର ବୈଠକ ବସିଥିଲା । ଏଥିରେ ଏଆଇସିସି ସ୍କ୍ରିନିଂ କମିଟି ଅଧ୍ୟକ୍ଷ ମଧୁସୂଦନ ମିସ୍ତ୍ରୀଙ୍କ ସହ ରାଜ୍ୟ ପ୍ରଭାରୀ ଅଜୟ କୁମାର, ପିସିସି ସଭାପତି ଶରତ ପଟ୍ଟନାୟକ ଉପସ୍ଥିତି ଥିଲେ । କଂଗ୍ରେସ ଟିକେଟ ପାଇଁ କାମ କରିବନି ନେତାଙ୍କ ଲବି । ଟିକେଟ ବାଣ୍ଟିବାରେ ସ୍ୱଛତା ଆଣିବାକୁ ପ୍ରବୀଣ କୁମାରକୁ ଓଡିଶା ଦାୟିତ୍ୱ ଦେଇଛି ଏ ଆଇସିସି । ଅନ୍ୟପଟେ ବରିଷ୍ଠ କଂଗ୍ରେସ ବିଧାୟକ ସୁରେଶ ରାଉତରାୟଙ୍କୁ ଭୁବନେଶ୍ଵର ସାଂସଦ ପ୍ରାଥି ହେବା ପାଇଁ ହାଇକମାଣ୍ଡ ପ୍ରସ୍ତାବ ଦେଇଛନ୍ତି l ହେଲେ ୨୦୨୪ ନିର୍ବାଚନ ଲଢ଼ିବେ ନାହିଁ ଘୋଷଣାକୁ ପୁଣି ଦୋହରାଇଛନ୍ତି ସୁର ।
