ବିକ୍ରି କରିବାକୁ ପଡ଼ିବନି କିଡନି, ଆପଲ୍ ଆଣୁଛି ଶସ୍ତା ଭିଜନ୍ ପ୍ରୋ
1 min read
ନନ୍ଦିଘୋଷ ବ୍ୟୁରୋ: ନିକଟରେ ଆପଲ ଏଆର ହେଡସେଟ ଭିଜନ ପ୍ରୋ ୩ ଲକ୍ଷ ଟଙ୍କାରେ ଲଞ୍ଚ୍ କରିଛି । ଯାହା ପରେ ଖୁବ ସାରା ମିମ୍ସ ଭାଇରାଲ ହେବାରେ ଲାଗିଛି । ଆପଲ ଭିଜନ ପ୍ରୋ କିଣିବା ପାଇଁ କିଡନୀ ବିକିବାକୁ ପଡିବ ବୋଲି ୟୁଜର୍ସଙ୍କ କମେଣ୍ଟ ଭାଇରାଲ ହେବାରେ ଲାଗିଛି । କିନ୍ତୁ ପ୍ରକୃତରେ ବହୁ କମ ମୂଲ୍ୟରେ ଭିଜନ ପ୍ରୋ ଏଆର ହେଡସେଟ ଉପଲବ୍ଧ ହେବ ବୋଲି କମ୍ପାନୀ କହିଛି ।
ଏକ ରିପୋର୍ଟ ମୁତାବକ ଆପଲର ଶସ୍ତା ଭିଜନ ପ୍ରୋ ୨୦୨୫ ସୁଦ୍ଧା ଲଞ୍ଚ ହେବ । ଅର୍ଥାତ୍ ଏବେ ଲଞ୍ଚ ହୋଇଥିବା ଭିଜନ ପ୍ରୋର ଦୁଇ ବର୍ଷ ପରେ ଶସ୍ତା ଭର୍ସନ ରିଲିଜ ହେବ । ଆଗାମୀ ବର୍ଷ ବଜାରରେ ଭିଜନ ପ୍ରୋ ବିକ୍ରି ପାଇଁ ଉପଲବ୍ଧ ହେବ । ଆପଲ ଭିଜନ ପ୍ରୋ ଓ ଆପଲ ଭିଜନକୁ ଅଲଗା ଅଲଗା ମୂଲ୍ୟରେ ଲଞ୍ଚ କରାଯିବ । ଆପଲ ଭିଜନ ପ୍ରୋକୁ ୩ ଲକ୍ଷ ଟଙ୍କାରେ ଲଞ୍ଚ କରାଯାଇଥିବାବେଳେ ଆପଲ ଭିଜନକୁ କମ ମୂଲ୍ୟରେ ବଜାରକୁ ଛଡା ଯିବା ପାଇଁ ଲକ୍ଷ୍ୟ ରଖିଛି କମ୍ପାନୀ । ବର୍ତ୍ତମାନ ସୁଦ୍ଧା ଭିଜନ ପ୍ରୋର ପ୍ରକୃତ ମୂଲ୍ୟ ଘୋଷଣା କରାଯାଇନାହିଁ ।
ସେହିପରି ଆପଲର ଦ୍ବିତୀୟ ଜେନେରେସନ ଭିଜନ ପ୍ରୋକୁ ଲଞ୍ଚ କରିବା ପାଇଁ ପ୍ରସ୍ତୁତି ଚାଲିଛି । ଯେଉଁଥିରେ ଫାଷ୍ଟ ପ୍ରୋସେସର ସପର୍ଟ ରହିବ ।
ଆପଲ ଭିଜନ ପ୍ରୋରେ କ୍ୟାମେରା, ସେନ୍ସର, ଡୁଆଲ ଆପଲ ସିଲିକନ ଚିପ୍ସ ଓ ଟ୍ବିନ 4K ମାଇକ୍ରୋଏଲଇଡି ଭର୍ଚୁଆଲ ରିଆଲିଟି ଡିସପ୍ଲେର ବ୍ୟବହାର କରାଯାଇଛି । କିନ୍ତୁ ଶସ୍ତା ଆପଲ ଭିଜନ ପ୍ରୋରେ କମ କ୍ୱାଲିଟିର ସ୍କ୍ରିନ ଅପସନ ରହିବ । ଏଥିରେ ଆଇଫୋନ ଗ୍ରେଡ ବା ପୁରୁଣା ମ୍ୟାକ୍ ଚିପ୍ସର ବ୍ୟବହାର କରାଯାଇପାରେ ।
