ଆକର୍ଷଣୀୟ ଡିସପ୍ଲେ ସହ ଆସୁଛି ଏହି ଫୋନ୍: ଭାଙ୍ଗିଲେ ମନକୁ ମନ ଯୋଡ଼ି ହୋଇଯିବ ସ୍କ୍ରିନ୍

ନୂଆଦିଲ୍ଲୀ: Smart Phones କମ୍ପାନୀ ଗୁଡ଼ିକ ପ୍ରତିଯୋଗିତାମୂଳକ ଭାବେ ନୂଆ ଏବଂ ଆଡଭାନ୍ସ ଟେକ୍ନୋଲୋଜିର ହାଣ୍ଡସେଟ ଲଞ୍ଚ୍ କରୁଛନ୍ତି । ଏହି ଆଧାରରେ Apple ଏବେ ଏକ ଖାସ୍ ଫୋନ ଆଣିବାକୁ ପ୍ରସ୍ତୁତ ହେଉଛି, ଯେଉଁଥିରେ ସ୍କିନ ଉପରେ ଛୋଟ ମୋଟ ସ୍କାର୍ଚ ହେଲେ ତାହା ସ୍ୱତଃପ୍ରବୃତ ରିପାୟର ହୋଇଯିବ । Apple insiderର ଏକ ରିପୋର୍ଟ ଅନୁସାରେ ଆପଲ ନିକଟରେ ଏହି ଖାସ Automatic Display Repair Technology ଥିବା Foldable Iphoneର ପେଟେଣ୍ଟ ଫାଇଲ କରିଛି ।

ଲାଗିବ ସିଙ୍ଗଲ ଡିସପ୍ଲେ ହ୍ୟାଣ୍ଡସେଟ

ରିପୋର୍ଟରେ କୁହାଯାଇଛି ଯେ, ଏହି ଟେକ୍ନୋଲୋଜି ସାହାଯ୍ୟରେ ଆପଲର ଏହି ଫୋଲ୍ଡେବଲ ଆଇଫୋନର ଡିସପ୍ଲେ Normal Wear and Tear ସହିତ ସ୍କାର୍ଚ ଏବଂ ଡେଣ୍ଡକୁ ସ୍ୱତଃପ୍ରବୃତ ଭାବେ ରିପାୟର କରିଦେବ । ପୂର୍ବ ରିପୋର୍ଟକୁ ଯଦି ଦେଖିବା ତେବେ କମ୍ପାନୀ ଏହି ଫୋଲ୍ଡେବଲ ଫୋନକୁ ଖାସ ପ୍ରକ୍ରିୟାରେ ଡିଜାଇନ କରିଛି । ଏହା ଦୁଇଟି ଡିସପ୍ଲେ ଯୁକ୍ତ ଫୋନ ହୋଇଥିବା ସତ୍ତ୍ୱେ ଏହାକୁ ଖୋଲିଲେ ସିଙ୍ଗଲ ସ୍କ୍ରିନ ଫୋନ ଭଳି ଲାଗିବ ।

ଆପଲର ଏହି ‘Self Healing’ Fold-able iPhone କଥା ଯଦି କହିବା ତେବେ କମ୍ପାନୀ ଏହାକୁ ନିଜ Fold-able ଫୋନ୍ସର ପ୍ରଥମ ଜେନେରେସନ ସହିତ ଲଞ୍ଚ କରିବ ନାହିଁ । ଏହା ଏଥିପାଇଁ କୁହାଯାଉଛି କାରଣ କମ୍ପାନୀ ପୂର୍ବରୁ ସାମସଙ୍ଗ ଡିସପ୍ଲେ ପାଇଁ ବଡ଼ ଅର୍ଡର ଦେଇଛି ଏବଂ ଏହାର ସାମ୍ପଲ କମ୍ପାନୀକୁ ଅତି କମରେ ଏକ ବର୍ଷ ଯାଏଁ ମିଳିବ ।

ଆଗାମୀ ବର୍ଷ ହୋଇପାରେ ଲଞ୍ଚ

ପୂର୍ବ କିଛି ବର୍ଷ ହେବ ଆପଲକୁ OLED ଡିସପ୍ଲେ ସପ୍ଲାଇ କରୁଛି ସାମସଙ୍ଗ । ଅନ୍ୟପଟେ, ସାମସଙ୍ଗ Fold-able Display Marketର ବଡ଼ ଲିଡର ହେବା ସହିତ ଏବେ ଏହି ଡିସପ୍ଲେର ପ୍ରଡକ୍ସନକୁ ବଢ଼ାଇ ପ୍ରତିବର୍ଷ ଏକ କୋଟି ୟୁନିଟ କରିବାକୁ ଯାଉଛି । ତେବେ ଆମେ ଯଦି ଆପଲ Fold-able iPhone କଥା କହିବା ତେବେ ଆଗାମୀ ବର୍ଷ ଏହା ଲଞ୍ଚ କରାଯାଇପାରେ ବୋଲି ସୂଚନା ରହିଛି ।