ନୂଆଦିଲ୍ଲୀ: ଇଣ୍ଡିଆ ମେଣ୍ଟକୁ ଝଟକା ପରେ ଲାଗୁଛି ଝଟକା। ଲୋକସଭା ନିର୍ବାଚନ ପାଖେଇ ଆସୁଥିବାବେଳେ ମେଣ୍ଟ ଭୁଶୁଡିବାରେ ଲାଗିଛି। ମମତା ବାନାର୍ଜୀ, ନୀତୀଶ କୁମାର ଏବ ଜୟନ୍ତ ଚୋୌଧୁରୀ ମେଣ୍ଟରୁ ଦୂରେଇ ଯାଇଛନ୍ତି। ଏବେ ଜାମ୍ମୁ କାଶ୍ମୀର ପୂର୍ବତନ ମୁଖ୍ୟମନ୍ତ୍ରୀ ଫାରୁକ ଅବଦୁଲ୍ଲା ଏବଂ ଦିଲ୍ଲୀ ମୁଖ୍ୟମନ୍ତ୍ରୀ ତଥା ଆମ ଆଦମି ପାର୍ଟି ମୁଖ୍ୟ ଅରବିନ୍ଦ କେଜରିୱାଲ ମଧ୍ୟ କଂଗ୍ରେସ ଠାରୁ ଦୂରେଇ ଯାଉଥିବା ଦେଖିବାକୁ ମିଳୁଛି।
ପୂର୍ବରୁ ଆମ ଆଦମି ପାର୍ଟି ପଞ୍ଜାବରେ ଏକାକୀ ଲଢିବ ବୋଲି ଘୋଷଣା କରିସାରିଛି। ବିହାର, ପଶ୍ଚିମବଂଗରେ ମେଣ୍ଟ ଗଣିତ ପରିବର୍ତ୍ତନ ହୋଇଛି। ପ୍ରଥମେ ମମତା ବାନାର୍ଜୀ ମୁହଁ ଫେରାଇବା ପରେ ନିକଟରେ ମେଣ୍ଟର ନେତୃତ୍ଵ ନେଉଥିବା ନୀତୀଶ କୁମାର ଇଣ୍ଡିଆ ମେଣ୍ଟରୁ ଦୂରେଇ ଯାଇଛନ୍ତି। ବର୍ତ୍ତମାନ ନ୍ୟାସନାଲ କନଫରେନ୍ସ ସହ ଦିଲ୍ଲୀ ଏବ ପଞ୍ଜାବ ମଧ୍ୟ ମେଣ୍ଟରୁ ବାହାରି ଯିବାକୁ ବସିଛନ୍ତି। ଜଣେ ଜଣେ କରି ନେତା ଇଣ୍ଡିଆ ମେଣ୍ଟରୁ ବାହାରିବାରେ ଲାଗିଛନ୍ତି।
ଜୋରସେରରେ ଇଣ୍ଡିଆ ମେଣ୍ଟର ଏକଜୁଟ ଆରମ୍ଭ ହୋଇଥିଲା। ଏକାଧିକ ଦଳ ଏହି ମେଣ୍ଟରେ ରହି ଏନଡିଏ ମେଣ୍ଟକୁ ପରାସ୍ତ କିବାକୁ ପଣ କରିଥିଲେ। ଆମ ଆଦମୀ ପାର୍ଟି ଓ କଂଗ୍ରେସ ମଧ୍ଯରେ ସିଟ ଭାଗବଣ୍ଟାକୁ ନେଇ ଆଲୋଚନା ଚାଲିଥିବାବେଳେ ଗୋଟି ଗୋଟି କରି ସିଟରେ ପ୍ରାର୍ଥୀ ଘୋଷଣା କରିଚାଲିଛି ଆମ ଆଦମି ପାର୍ଟି। ଏହି ଗଣତିକୁ ଦେଖିଲେ ଦୁଇ ଦଳ ମଧ୍ଯରେ ମେଣ୍ଟ ହେବା ସମ୍ଭାବନା କମ ରହିଛି। ପୂର୍ବରୁ ମଧ୍ଯ ନୀତୀଶ ପାର୍ଟି ମଧ୍ଯ ସିଟ୍ ଭାଗବଣ୍ଟା ପୂର୍ବରୁ କିଛି ଆସନରେ ନିଜର ପ୍ରାର୍ଥୀ ଘୋଷଣା କରି ଦେଇଥିଲା।
