ବିଜେପି ଛାଡ଼ି ପୁଣି ସମାଜବାଦୀ ପାର୍ଟିକୁ ଫେରି ପାରନ୍ତି ଅପର୍ଣ୍ଣା

ୟୁପି: ଅପର୍ଣ୍ଣା ଯାଦବଙ୍କ ହୋଇପାରେ ଘର ବାହୁଡ଼ା । ଦାଦା ଶିବପାଲ ଯାଦବଙ୍କ ସହିତ ଯୋଗାଯୋଗ କରି ସମାଜବାଦୀ ପାର୍ଟିକୁ ଫେରିବା ପାଇଁ ଚେଷ୍ଟା କରୁଥିବା ସୂଚନା ମିଳିଛି । ଅପର୍ଣ୍ଣା ହେଉଛନ୍ତି ପୂର୍ବତନ ୟୁପି ମୁଖ୍ୟମନ୍ତ୍ରୀ ତଥା ସମାଜବାଦୀ ପାର୍ଟିର ପ୍ରତିଷ୍ଠାତା ମୁଲାୟମ ସିଂହ ଯାଦବଙ୍କ ସାନ ବୋହୂ । ଏବର ସମାଜବାଦୀ ପାର୍ଟି ମୁଖ୍ୟ ଅଖିଳେଶ ସିଂହ ଯାଦବଙ୍କ ଭାଇ ବୋହୂ ।

୨୦୨୨ ବିଧାନସଭା ନିର୍ବାଚନ ପୂର୍ବରୁ ସେ ସମାଜବାଦୀ ପାର୍ଟି ଛାଡ଼ି ବିଜେପିରେ ମିଶିଥିଲେ । ତାଙ୍କୁ ରାଜ୍ୟ ମହିଳା କମିଶନର ଉପାଧ୍ୟକ୍ଷା ପଦ ମିଳିଛି । ହେଲେ ସେ ଏଥିରେ ଖୁସି ନ ଥିବା ଜଣାପଡ଼ିଛି । କୌଣସି ଏକ ବଡ଼ ପଦବୀ ସେ ଚାହୁଁଛନ୍ତି ।

ଅପର୍ଣ୍ଣା ଦଳର ବଡ଼ ପଦ ପଦବୀରେ ରହିଲେ, ନିଜ ପରିବାର ଲୋକଙ୍କ ବିପକ୍ଷରେ କିଛି କହିବେ ନାହିଁ ବୋଲି ବିଜେପି ତାଙ୍କୁ କିଛି ଦାୟିତ୍ବ ଦେଉ ନଥିବା ଅଭିଯୋଗ ହେଉଛି । ଯାହାକୁ ନେଇ ସେ ଅସନ୍ତୁଷ୍ଠ ଥିବା ଜଣାପଡିଛି । ଏହି କାରଣରୁ ସେ ସମାଜବାଦୀ ପାର୍ଟିକୁ ଫେରିବାକୁ ଚାହୁଁଥିବା ଶିଣିବାକୁ ମିଳୁଛି ।

ତେବେ ଏହି ଖବରକୁ ବିଜେପି ପକ୍ଷରୁ ଖଣ୍ଡନ କରାଯାଇଛି । ଅପର୍ଣ୍ଣାଙ୍କୁ ମନେଇବାକୁ ବିଜେପି ତରଫରୁ ଉଦ୍ୟମ ଚାଲିଥିବା ଜଣାପଡ଼ିଛି